Fréttir

19. febrúar 2016 14:48

Hvaða áhrif hefur Parísarsamkomulagið á atvinnulífið?

Landsbankinn stendur fyrir fundi  um Parísarsamkomulagið í loftslagsmálum í Norðurljósasal Hörpu fimmtudaginn 25.febrúar kl. 8.30-12.00. Boðið verður upp á morgunverð frá kl. 8.00

Markmið fundarins er að varpa ljósi á margvísleg áhrif sem aðgerðir gegn loftslagsbreytingum kunna að hafa á íslenskt atvinnulíf og fjárfestingar. 

Í desember sl. var nýtt samkomulag í loftslagsmálum samþykkt í París. Í Parísarsamkomulaginu er í fyrsta sinn kveðið á um að öll ríki skuli bregðast við til þess að draga markvisst úr losun gróðurhúsalofttegunda, takast á við afleiðingar loftlagsbreytinga og tryggja umtalsvert fjármagn til grænna lausna og aðstoð við ríki sem verða verst úti í breytingum.

Dagskrá fundar

  • Hagfræðideild Landsbankans kynnir nýja greiningu bankans á hlutverki fjármálageirans í loftslagsmálum.
  • Halldór Björnsson hjá Veðurstofu Íslands ræðir og hrekur ýmsar mýtur, rangfærslur og samsæriskenningar sem reglulega koma upp í umræðunni um loftslagsbreytingar af mannavöldum.
  • Brynhildur Davíðsdóttir prófessor í umhverfis-og auðlindafræði við Háskóla Íslands mun fjalla um mögulegar aðgerðir sem stærstu atvinnugreinar landsins geta beitt til að draga úr nettóútstreymi gróðurhúsalofttegunda á Íslandi.
  • Björgvin Skúli Sigurðsson framkvæmdastjóri markaðs- og viðskiptaþróunarsviðs Landsvirkjunar, fjallar um raforkuframleiðslu á Íslandi með tilliti til loftslagsmála, áskoranir og tækifæri til nýsköpunar.
  • Asbjørn Torvanger sérfræðingur um loftslagsfjármál hjá Miðstöð alþjóðlegra loftslags-og  umhverfisrannsókna (CICEIRO) í Ósló fjallar m.a um skilyrði sem fyrirtæki þurfa að uppfylla við útgáfu grænna skuldabréfa.
  • Jeanett Bergan hjá norska trygginga-og lífeyrissjóðnum Kommunal Landspensjonskasse Gjensidig Forsikringsselskap (KLP) mun fjalla um fjárfestingaákvarðanir með tilliti til aðgerða í loftslagsmálum.

Fundarstjóri er Ketill Berg Magnússon framkvæmdastjóri Festu - miðstöðvar um samfélagsábyrgð.

Skráning á fundinn

11. júní 2019 13:36

Umræðan: Viðskiptavinir Landsbankans tóku Apple Pay fagnandi

Apple Pay fór fyrst í loftið í Bandaríkjunum í október 2014. Fyrir um einum mánuði, í byrjun maí 2019, þegar Landsbankinn og Arion banki buðu viðskiptavinum sínum að nota lausnina, varð Ísland 38. Apple Pay-landið. En hvað er Apple Pay og af hverju var lausnin svo lengi að ná Íslandsströndum?


Nánar

14. júní 2019 10:58

Svana Huld Linnet nýr forstöðumaður Fyrirtækjaráðgjafar Landsbankans

Svana Huld Linnet hefur verið ráðin í starf forstöðumanns Fyrirtækjaráðgjafar Landsbankans.


Nánar

14. júní 2019 08:59

Hagsjá: Spáum 3,4% verðbólgu í júní

Hagfræðideild Landsbankans spáir 0,4% hækkun vísitölu neysluverðs (VNV) milli mánaða. Gangi spáin eftir lækkar ársverðbólgan úr 3,6% í 3,4%.


Nánar