Fréttir

22. janúar 2016 17:05

Umfangsmesta endurbygging í sögu Reykjavíkur

Föstudaginn 22. janúar  var skrifað undir samninga um umfangsmestu endurbyggingu hverfis í Reykjavík, Vogabyggð. Hverfið afmarkast af Kleppsmýrarvegi, Sæbraut og Súðavogi.

Samningarnir ná til hluta Vogabyggðar, svæðis 2, en stærstu lóðarhafar þar eru Vogabyggð, dótturfyrirtæki Hamla sem er í eigu Landsbankans, og Gámakó. Samtals ráða þessi fyrirtæki yfir 70% lóða á svæði 2.

Samningarnir marka tímamót að því leyti að lóðarhafar taka þátt í kostnaði við breytingar á innviðum hverfisins og er það í samræmi við samningsmarkmið Reykjavíkurborgar um uppbyggingu í eldri hverfum.

Mikilvægur áfangi

Steinþór Pálsson, bankastjóri, segir að þetta sé gríðarlega mikilvægur áfangi. „Það er ánægjulegt fyrir Landsbankann að taka þátt í einum umfangsmestu endurbyggingaráformum í Reykjavík í langan tíma. Við höfum unnið með borginni í þessu verkefni frá ársbyrjun 2013 og það er ánægjulegt að taka þátt í að skapa nýja framtíð hér á svæðinu,“ segir Steinþór.

Dagur B. Eggertsson segir samningana afar mikilvægt skref í átt að uppbyggingu hverfisins. „Það er mjög metnaðarfullt skipulag sem liggur fyrir og Vogabyggðin sjálf er náttúrulega á besta stað í borginni. Fjórðungur íbúðanna sem þarna rísa verða undir leigu- og búseturéttaríbúðir og höfum við samið við lóðarhafa um þátttöku í uppbyggingu innviða. Verkefnið í heild er svo eitt af lykilsvæðum í aðalskipulagi Reykjavíkur þannig að ég er mjög spenntur fyrir þessu,“ segir Dagur.

Hannes Frímann Sigurðsson hefur stýrt verkefninu fyrir hönd Landsbankans. Hann segir undirritun samninganna stóran áfanga því nú geti svæðið farið í deiliskipulagsauglýsingu og vonast er til að söluferli lóða geti hafist um mitt ár og uppbygging gangi hratt fyrir sig.

31. mars 2020 08:47

Hagsjá: Atvinnuleysi á fleygiferð upp á við og vinnumarkaðurinn á áður óþekktum slóðum

Í lok síðustu viku spáði Vinnumálastofnun því að atvinnuleysi í apríl og maí verði það mesta sem mælst hefur á Íslandi. Vinnumálastofnun spáir 10,8% atvinnuleysi í apríl og um 10% í maí og að það fari svo lækkandi eftir það. Þá spáir Vinnumálastofnun að meðalatvinnuleysi yfir árið verði um 7,4% og á næsta ári geti það orðið 6,4%.


Nánar

30. mars 2020 16:00

Vegna álags getur verið lengri bið eftir þjónustu

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar