Fréttir

17. desember 2015 15:05

Útibúið í Vestmannaeyjum opnar eftir gagngerar endurbætur

Landsbankinn hefur opnað útibú sitt í Vestmannaeyjum eftir gagngerar endurbætur á húsnæðinu. Af þessu tilefni er Vestmannaeyingum boðið að fagna með starfsfólki í útibúinu að Bárustíg 15, föstudaginn 18. desember.

Dagskrá 18. desember

  • Tríó Þóris Ólafssonar spilar frá kl. 13.00 til 16.00.
  • Karlakór Vestmannaeyja syngur kl. 15.00.
  • Sproti og jólasveinn kíkja við kl. 15.10.

Landsbankinn og Sparisjóður Vestmannaeyinga runnu saman í mars sl. Umfangsmiklar endurbætur á útibúinu hófust í sumar en þær fólust m.a. í því að öll starfsemi útibúsins var færð á jarðhæð hússins og tækja- og húsbúnaður var endurnýjaður. Einnig var nýjum og fullkomnum hraðbanka komið fyrir í útibúinu en hann er m.a. hægt að nota til að millifæra og leggja inn peninga.

Jón Óskar Þórhallsson tók við starfi útibússtjóra 1. júlí sl. en alls eru átta fastráðnir starfsmenn í útibúinu.

„Það er ánægjulegt að sjá hversu vel hefur tekist til með endurbæturnar á útibúi okkar í Vestmannaeyjum. Með samrunanum við Sparisjóð Vestmannaeyja fengum við öflugan hóp til liðs við Landsbankann og við höfum fullan hug á að efla starfsemina í Eyjum enn frekar, undir styrkri stjórn Jóns Óskars Þórhallssonar, segir Steinþór Pálsson, bankastjóri Landsbankans.

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista