Fréttir

16. desember 2015 10:45

Samið við Hríseyjarbúðina um afgreiðslu reiðufjár


Hægt er að nota greiðslukort til að taka út reiðufé í Hríseyjarbúðinni.

Samningar hafa tekist milli Landsbankans og Hríseyjarbúðarinnar um að viðskiptavinir búðarinnar geti tekið út reiðufé í búðinni.

Samstarf Landsbankans er með þeim hætti að Hríseyjarbúðin býður viðskiptavinum að nota greiðslukort til að taka út reiðufé í búðinni og Landsbankinn greiðir Hríseyjarbúðinni árlega þóknun fyrir að veita þessa þjónustu.

Það er von mín að með þessu verði þarfir Hríseyinga og gesta þeirra um aðgengi að reiðufé uppfylltar og að samstarfið skjóti styrkari stoðum undir verslun í Hrísey,“ segir Steinþór Pálsson, bankastjóri Landsbankans.

Landsbankinn og Sparisjóður Norðurlands runnu saman í vetur en í Hrísey hafði sparisjóðurinn haldið úti hraðbanka. Eftir samrunann kom í ljós að hraðbankinn í Hrísey uppfyllti hvorki öryggis- né tæknikröfur og ómögulegt var að tengja hann við hraðbankanet Landsbankans. Gögn um notkun á hraðbankanum sýndu að hann var lítið notaður og þar sem rekstur hraðbanka er kostnaðarsamur var ákveðið að kaupa ekki nýjan hraðbanka.

Í kjölfarið hóf Landsbankinn viðræður við búðina í Hrísey um að þar yrði komið upp reiðufjárafgreiðslu. Viðræðunum er nú lokið með þessari ánægjulegu niðurstöðu.

06. desember 2019 15:18

Umræðan: Birkir Rúnar Gunnarsson - „Aðgengismál ekki svartagaldur fyrir örfáa“

Tæknin sem gerir símanum okkar kleift að skilja mannsraddir og gefa tækjunum okkar raddir hefur gjörbreytt lífi fólks með fötlun. Birkir Rúnar Gunnarsson, sérfræðingur í aðgengismálum, segir tækifæri tækninnar óviðjafnanleg en að það skipti öllu máli að gera hlutina rétt.


Nánar

05. desember 2019 10:36

Hagsjá: Hlutdeildarlán – ný lausn í mótun hjá stjórnvöldum

Stjórnvöld hafa boðað frumvarp um hlutdeildarlán sem er ætlað að auðvelda tekju- og eignalitlum einstaklingum að eignast íbúð. Í umfjöllun Unu Jónsdóttur, hagfræðings, kemur m.a. fram að markhópurinn þurfi að vera vel skilgreindur og séð til þess að stuðningurinn fari ekki til annarra en hann er ætlaður.


Nánar

22. nóvember 2019 13:37

Ekki hægt að skipta 500 evru seðlum eftir 5. desember

Landsbankinn mun ekki taka við 500 evru seðlum frá og með 5. desember nk. en útgáfu 500 evru seðla hefur verið hætt. Áfram verður hægt að skipta 500 evru seðlum í bönkum á evrusvæðinu, samanber meðfylgjandi tilkynningu Seðlabanka Evrópu.


Nánar