Fréttir

17. nóvember 2015 18:43

Landsbankinn undirritar loftslagsyfirlýsingu

Landsbankinn hefur undirritað yfirlýsingu um markmið í loftslagsmálum og er í hópi rúmlega 100 íslenskra fyrirtækja og stofnana sem gert slíkt hið sama í samstarfi við Reykjavíkurborg og Festu, miðstöð um samfélagsábyrgð. Fyrirtækin hyggjast hvert með sínum hætti draga úr losun gróðurhúsalofttegunda og minnka úrgang í starfsemi sinni.

Mynd
Steinþór Pálsson bankastjóri Landsbankans undirritar loftslagsyfirlýsingu en með honum eru Dagur B. Eggertsson borgarstjóri og Ketill B. Magnússon framkvæmdastjóri Festu sem stóðu að yfirlýsingunni.

Í byrjun desember verður 21. loftslagsráðstefna Sameinuðu þjóðanna haldin í París. Þar verður rammasamningur Sameinuðu þjóðanna vegna loftslagsbreytinga (UNFCCC) samþykktur, með það að markmiði að sporna við hnattrænni hlýnun og draga úr losun gróðurhúsalofttegunda.

Þjóðir heims hafa sett sér markmið um að draga verulega úr losun gróðurhúsalofttegunda og hefur Ísland ásamt ríkjum Evrópusambandsins og fleirum lýst því yfir að dregið verði úr losun um 40%. Á Íslandi glímum við ekki við mengandi rafmagnsframleiðslu eða húshitun líkt og margar þjóðir en eitt helsta viðfangsefni okkar eru mengandi samgöngur og losun úrgangs.

Yfirlýsingin sem fyrirtæki og Reykjavíkurborg hafa skrifað undir verður afhent á loftslagsráðstefnunni í París. Aðild að yfirlýsingunni jafngildir því að þátttakendur setji sér einföld markmið fyrir lok júní 2016 um að:

  • Draga úr losun gróðurhúsalofttegunda.
  • Minnka myndun úrgangs, m.a. með því að nota minna af óendurvinnanlegu hráefni og umbúðum, endurvinna og endurnýta.
  • Mæla árangurinn og gefa reglulega út upplýsingar um stöðu ofangreindra þátta.

Nánar um verkefnið

Aðildarfyrirtækjum Festu, stofnunum og fyrirtækjum Reykjavíkurborgar og 300 stærstu fyrirtækjum á Íslandi var boðin þátttaka í verkefninu. Verkefnið er hugsað sem hvatning um að draga úr losun gróðurhúsalofttegunda á eigin forsendum og sýna þar með frumkvæði og ábyrgð gagnvart umhverfinu og samfélaginu.

Mynd
Fulltrúar 103 fyrirtækja og stofnana sem undirrituðu yfirlýsingu um markmið í loftslagsmálum í Höfða.

31. mars 2020 14:22

Z powodu obciążeń czas oczekiwania na obsługę klienta może się wydłużyć

Dokładamy wszelkich starań, aby zapewnić szybką i dobrą obsługę klienta, lecz w niektórych przypadkach zapewnienie obsługi w oddziałach naszego banku może zająć więcej czasu niż zwykle. Powodem niniejszej sytuacji jest zalecenie Głównego Inspektoratu Sanitarnego dotyczące ochrony przed zakażeniem wirusem COVID-19, w związku z którym pracownicy Landsbankinn pracują w systemie dwuzmianowym lub z domu. Jednocześnie, jak też w obecnej sytuacji można się było spodziewać, zwiększyła się ilość zapytań i zleconych zadań.


Nánar

31. mars 2020 08:47

Hagsjá: Atvinnuleysi á fleygiferð upp á við og vinnumarkaðurinn á áður óþekktum slóðum

Í lok síðustu viku spáði Vinnumálastofnun því að atvinnuleysi í apríl og maí verði það mesta sem mælst hefur á Íslandi. Vinnumálastofnun spáir 10,8% atvinnuleysi í apríl og um 10% í maí og að það fari svo lækkandi eftir það. Þá spáir Vinnumálastofnun að meðalatvinnuleysi yfir árið verði um 7,4% og á næsta ári geti það orðið 6,4%.


Nánar

30. mars 2020 16:00

Vegna álags getur verið lengri bið eftir þjónustu

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar