Fréttir

11. nóvember 2015 16:40

Landsbankinn hlýtur alþjóðlega vottun í upplýsingaöryggi

Alþjóðleg vottun í upplýsingaöryggi

Landsbankinn fékk nýlega staðfesta vottun samkvæmt nýrri útgáfu ISO 27001 sem er staðall fyrir upplýsingaöryggi og meðferð trúnaðarupplýsinga. Í vottuninni felst mikil viðurkenning á öryggi verkferla bankans og staðfesting á faglegum vinnubrögðum starfsmanna við meðferð upplýsinga sem snerta mál viðskiptavina bankans. Landsbankinn er eini íslenski viðskiptabankinn sem hlotið hefur vottun skv. ISO 27001 staðli, en vottun bankans nær aftur til ársins 2007.

Algengast er að fyrirtæki fái vottun á takmarkaðan hluta starfsemi sinnar en Landsbankinn hefur fengið alla starfsemi sína vottaða samkvæmt staðlinum. Vottunin tekur m.a. til meðferðar trúnaðarupplýsinga, reksturs upplýsingakerfa, öryggisvitundar starfsmanna, umgengni um skjalageymslur og aðgengis að starfsstöðvum bankans.

Landsbankinn leggur mikla áherslu á upplýsingaöryggi í starfsemi sinni og faglega umgengni starfsmanna um upplýsingar sem varða mál viðskiptavina bankans. ISO 27001 vottunin er liður í að tryggja að viðskiptavinir geti treyst því að Landsbankinn byggi á ströngustu alþjóðlegu viðmiðum á þessu sviði.

Það var alþjóðlega vottunarfyrirtækið BSI sem tók út starfsemi bankans, en úttektin er gerð árlega.

 

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista