Fréttir

02. nóvember 2015 12:25

Landsbankinn veitir fimm milljónir króna í umhverfisstyrki

Umhverfisstyrkir 2015
Umhverfisstyrkir Landsbankans voru afhentir 30. október. Hér má sjá styrkþega eða fulltrúa þeirra ásamt Dr. Guðrúnu Pétursdóttur, formanni dómnefndar, lengst t.v. og Steinþóri Pálssyni bankastjóra Landsbankans.

Sautján verkefni hlutu umhverfisstyrki úr Samfélagssjóði Landsbankans í gær. Þrjú verkefni fengu 500 þúsund krónur hvert og fjórtán verkefni 250 þúsund krónur, samtals fimm milljónir króna. Þetta er í fimmta sinn sem Landsbankinn veitir umhverfisstyrki úr Samfélagssjóði bankans og bárust um 70 umsóknir. Alls hafa tæplega 80 verkefni hlotið umhverfisstyrki á síðustu fimm árum, samtals 25 milljónir króna.

Umhverfisstyrkjum er ætlað að styðja við verkefni á sviði umhverfismála og náttúruverndar og dómnefnd leitast við að velja metnaðarfull verkefni sem hafa skýra þýðingu fyrir íslenska náttúru og vistkerfið. Þessir styrkir byggja á stefnu Landsbankans um samfélagslega ábyrgð þar sem fram kemur m.a. að bankinn hyggist flétta umverfismálum, efnahagsmálum og samfélagsmálum saman við rekstur sinn.

Í dómnefnd sátu Dr. Brynhildur Davíðsdóttir, dósent í Umhverfis- og auðlindafræðum við Háskóla Íslands, Finnur Sveinsson, sérfræðingur í samfélagsábyrgð og Dr. Guðrún Pétursdóttir, forstöðumaður stofnunar Sæmundar fróða um sjálfbæra þróun við Háskóla Íslands, en hún var jafnframt formaður nefndarinnar.

Eftirtaldir hlutu umhverfisstyrki úr Samfélagssjóði bankans að þessu sinni:

500.000 kr. styrkir

  • Gróður fyrir fólk í Landnámi Ingólfs – Endurheimt birkiskóga í samvinnu við nemendur á grunn- og framhaldsskólastigi.
  • Raggagarður – Uppbygging útivistarsvæðis með tilvísun í vestfirska náttúru og sögu í fjölskyldugarðinum Raggagarði.
  • Náttúrusetrið á Húsabakka – Bætt aðgengi að friðlandi Svarfdæla með smíði 120 metra flotbrúar meðfram Tjarnartjörn.

250.000 kr. styrkir

  • Blái herinn – Hreinn ávinningur: Unnið að hreinsunarverkefnum á strandlengju landsins og rusli komið í endurvinnslu.
  • Framkvæmdasjóður Skrúðs – Bætt aðgengi að Skrúði og girðing umhverfis garðinn endurnýjuð og yfirfarin.
  • Fuglaverndarfélag Íslands – Útgáfa fræðslurits um fuglaskoðun til að auðvelda ungum fuglaskoðurum að taka sín fyrstu skref í fuglaskoðun.
  • Giljaskóli á Akureyri – Grenndarskógur skólans gerður aðgengilegur sem útivistarstaður fyrir almenning
  • Hjólafærni á Íslandi – Þróun á hjólakortinu Cycling Iceland, efnisöflun, hönnun og útfærslu kortsins fyrir vefmiðla.
  • Íbúasamtök á Völlunum – Hreinsunarátak í hrauninu umhverfis Vallahverfi í Hafnarfirði þannig að íbúar og gestir geti notið útivistar þar.
  • Ína Dagbjört Gísladóttir – Viðhald og endurbygging á göngubrú á Selá í Seldal í Norðfirði. Brúin hefur sögulegt gildi og er lykill að náttúruperlum og veiðilöndum.
  • Landsbyggðarvinir – Verkefnið Framtíðin er núna, samkeppni meðal grunnskóla um allt land um nýsköpun og umhverfisvernd.
  • Leikhúsið 10 fingur – Tíu ára börnum á höfuðborgarsvæðinu og á Akureyri boðið á leiksýninguna Lífið og fá fræðslu um mikilvægi jarðvegs fyrir líf á jörðinni.
  • Náttúran.is – Þróun á Græna kortinu en það byggir á alþjóðlegu flokkunarkerfi sem auðveldar almenningi að finna vistvæn fyrirtæki, vörur, þjónustu, menningarstarfsemi og náttúrufyrirbæri alls staðar á landinu.
  • Norðurhjari – ferðaþjónustusamtök – Uppsetning á fræðsluefni við útsýnispall við Skjálftavatn í Kelduhverfi og bætt aðgengi að pallinum.
  • Sjálfboðasamtök um náttúruvernd – Vinnuferðir í þágu náttúruverndar.
  • Sjöunda listgreinin – Verkefnið Earth101, en því er ætlað að miðla til almennings upplýsingum um alvarlegar afleiðingar loftslagsbreytinga á veðurfar og vistkerfi jarðar í náinni framtíð.
  • Skaftholt sjálfseignarstofnun – Verkefni í samstarfi við Skeiða- og Gnúpverjahrepp þar sem tekið er á móti lífrænu hráefni frá heimilum og stofnunum og það jarðgert. Í Skaftholti búa átta íbúar með þroskahömlun og þar hefur umhverfisvernd, sjálfbærni og virðing fyrir náttúrunni verið höfð að leiðarljósi í daglegu starfi.

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

30. júlí 2020 10:42

Hagsjá: Aukin sala nýbygginga

Fleiri nýjar íbúðir seldust á öðrum ársfjórðungi í ár samanborið við sama tíma í fyrra. Mikið hefur verið byggt á síðustu árum og sums staðar hefur verð lækkað.


Nánar

Skráðu þig á póstlista