Fréttir

12. október 2015 14:36

Landsbankinn gefur út skuldabréf í evrum

Landsbankinn hf. hefur í dag gefið út skuldabréf að fjárhæð 300 milljónir evra, eða sem nemur um 43 milljörðum króna. Skuldabréfin eru til 3ja ára, bera fasta 3,00% vexti og voru seld á kjörum sem jafngilda 295 punkta álagi ofan á millibankavexti í evrum.

Í september 2015 réð Landsbankinn fjárfestingarbankana Citi, Deutsche Bank og J.P. Morgan til þess undirbúa ofangreinda útgáfu. Fjárfestafundir fóru fram dagana 21. – 25. september 2015 í Kaupmannahöfn, Osló, Helsinki, Stokkhólmi og London. Skuldabréfin voru seld til fagfjárfesta og bárust tilboð fyrir 470 milljónir evra frá tæplega 60 fjárfestum. Skuldabréfin eru gefin út undir 1 milljarðs evra Euro Medium Term Note (EMTN) skuldabréfaramma Landsbankans og verða bréfin skráð í kauphöllina á Írlandi.

Landsbankinn mun nýta andvirði útgáfunnar til þess að fyrirframgreiða veðtryggð skuldabréf í erlendum gjaldmiðlum sem eru á gjalddaga í október 2016 og að hluta skuldabréf sem eru á gjalddaga í október 2018, sbr. fréttatilkynningu bankans frá 18. september sl.

Landsbankinn mun áfram vinna að því að breikka og styrkja fjármögnun bankans í erlendum gjaldmiðlum, m.a. í þeim tilgangi að endurfjármagna útistandandi veðtryggð skuldabréf bankans á hagstæðari kjörum. Í framhaldi af útgáfunni í dag, en með fyrirvara um að slitastjórn LBI hf. ljúki nauðasamningi með greiðslu stöðugleikaframlags, mun Landsbankinn jafnframt greiða upp eftirstöðvar 2018 gjalddaga veðtryggðra skuldabréfa bankans í erlendum gjaldmiðlum, samtals að jafnvirði um 22 milljarðar króna. LBI hf. mun frá sama tíma ávaxta sömu fjárhæð í erlendum gjaldmiðlum með bundnum innlánum til október 2018 hjá Landsbankanum, á kjörum sem samsvara 1,50% álagi ofan á millibankavexti.

Steinþór Pálsson, bankastjóri Landsbankans:

„Útgáfan í dag er ánægjulegur áfangi og afar mikilvæg fyrir Landsbankann enda breikkar hún og styrkir verulega fjármögnun bankans í erlendri mynt. Aðgangur Landsbankans að erlendum fjármagnsmörkuðum byggir m.a. á sterkri fjárhagsstöðu bankans sem endurspeglast í því að í sumar hækkaði alþjóðlega lánshæfismatsfyrirtækið Standard & Poor’s lánshæfiseinkunn Landsbankans í BBB-, og er einkunnin jafnframt með jákvæðum horfum.”

Ítarlegar upplýsingar um Landsbankann eru aðgengilegar fyrir fjárfesta og aðra áhugasama á vef bankans

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista