Fréttir

24. september 2015 15:46

Fundur um stöðu og horfur á fjarskiptamarkaði


Fundurinn var haldinn í Silfurbergi Hörpu og var mjög vel sóttur.

Hvert er fjarskiptamarkaðurinn að stefna og verður hann arðbær? Þetta var rauði þráðurinn á fundi Landsbankans um stöðu, þróun og tækifæri á fjarskiptamarkaðnum í dag. Forstjórar stærstu fjarskiptafyrirtækjanna sátu í pallborði á fundinum.

Liv Bergþórsdóttir, forstjóri Nova, Orri Hauksson, forstjóri Símans, Stefán Sigurðsson, forstjóri Vodafone og Sævar Freyr Þráinsson, forstjóri 365 fjölluðu um stöðu fyrirtækja sinna, breytingar á fjarskiptaþjónustu, samkeppnina og framtíðarhorfur.

Sveinn Þórarinsson, hlutabréfagreinandi hjá Hagfræðideild Landsbankans, stýrði fundinum og flutti erindi um fjarskiptamarkaðinn. Sveinn fjallaði um stöðuna á fjarskiptamarkaði og á ólíkum sviðum hans, þ.e. á markaði fyrir farsíma, internet og sjónvarp og á milli þess gaf hann forstjórum fjarskiptafyrirtækjanna orðið.

Upptökur af fundinum, glærusýningu og útdráttur úr umræðum eru aðgengilegar á vef Landsbankans.

Fundur Landsbankans um fjarskiptamarkaðinn


Liv Bergþórsdóttir, forstjóri Nova, Orri Hauksson, forstjóri Símans, Stefán Sigurðsson, forstjóri Vodafone og Sævar Freyr Þráinsson, forstjóri 365.

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista