Fréttir

19. september 2015 10:05

Landsbankinn og slitastjórn LBI gera með sér samkomulag um fyrirframgreiðslu skuldabréfa

Landsbankinn hf. og slitastjórn LBI hf. hafa í dag, 18. september 2015, náð samkomulagi sem felur meðal annars í sér að Landsbankinn fyrirframgreiði á þessu ári skuldabréf í erlendum gjaldmiðlum sem eru á gjalddaga í október 2016 og fyrirframgreiði að hluta skuldabréf sem eru á gjalddaga í október 2018. Fjárhæð fyrirframgreiðslunnar nemur að jafnvirði um 47 milljarða króna. Samkomulagið um fyrirframgreiðsluna er háð þeim fyrirvara að Landsbankanum takist að fjármagna fyrirframgreiðsluna á kjörum sem Landsbankinn telur ásættanleg.

Samkomulagið er gert með hliðsjón af tillögum tiltekinna kröfuhafa LBI sem settar voru fram í tengslum við áætlun um losun fjármagnshafta og kynntar voru á vefsíðu fjármála- og efnahagsráðuneytisins í júní síðastliðnum.

Til þess að vinna að framangreindri endurfjármögnun og til þess að breikka og styrkja fjármögnun bankans hefur Landsbankinn ráðið fjárfestingarbankana Citi, Deutsche Bank og J.P. Morgan til þess að skipuleggja fjárfestafundi í Evrópu sem hefjast mánudaginn 21. september næstkomandi. Útgáfa á skuldabréfum í evrum kann að fylgja í kjölfarið, háð markaðsaðstæðum.

Kynningarefni á ensku vegna fyrirhugaðra fjárfestafunda

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista