Fréttir

24. ágúst 2015 13:31

Líf og fjör í Landsbankanum á Menningarnótt

Skoða myndasafn frá Menningarnótt í Landsbankanum

Það var líf og fjör í Landsbankanum á Menningarnótt og mikill fjöldi gesta naut fjölbreyttrar dagskrár og góðra veitinga. Menningarnótt var nú haldin í tuttugasta sinn og hefur bankinn verið máttarstólpi hátíðarinnar frá upphafi og boðið upp á menningardagskrá í útibúinu í Austurstræti.

Listaverkagangan var á sínum stað en hún hefur verið á dagskrá bankans á Menningarnótt um árabil og er alltaf jafn vinsæl. Aðalsteinn Ingólfsson listfræðingur kynnti myndlist í bankanum með sérstaka áherslu á naglföst vegglistaverk Jóhannesar Kjarval, Jóns Stefánssonar og Nínu Tryggvadóttur.

Kvennakórinn Katla gladdi gesti með söng sínum en kórinn tók nokkur af sínum eftirlætislögum og hlaut mjög góðar undirtektir. Börnin fylltu síðan bankann þegar leikin voru atriði úr Bakaraofninum, barnasýningu eftir Felix Bergsson og Gunnar Helgason sem sýnd er í Gaflaraleikhúsinu í Hafnarfirði. Felix, Gunni sungu og léku en fengu einnig í heimsókn Ævar vísindamann. Loks fór hljómsveitin Dikta á kostum og flutti lög af væntanlegri breiðskífu en einnig nokkur af sínum vinsælustu lögum.

Myndasafn frá Menningarnótt í Landsbankanum

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista