Fréttir

08. ágúst 2015 12:46

Landsbankinn veitir tíu milljónir króna í samfélagsstyrki

Samfélagsstyrkjum að upphæð tíu milljónir króna var úthlutað úr Samfélagssjóði Landsbankans fimmtudaginn 6. ágúst. Alls hlutu 26 verkefni styrki að þessu sinni. Tvö verkefni á vegum Rauða krossins og Geðhjálpar hlutu samtals eina milljón króna, tólf verkefni 500 þúsund krónur hvert og önnur tólf fengu 250 þúsund króna styrk. Um 300 umsóknir bárust sjóðnum að þessu sinni. Samfélagsstyrkir verða veittir tvisvar á þessu ári en umsóknarfrestur fyrir seinni úthlutun rennur út í október nk.

Styrkþegar og fulltrúar þeirra.
Samfélagsstyrkir Landsbankans voru afhentir í gær. Hér má sjá styrkþega eða fulltrúa þeirra ásamt Guðrúnu Agnarsdóttur, formanni dómnefndar, lengst t.v. og Steinþóri Pálssyni bankastjóra lengst t.h.

Samfélagsstyrkir Landsbankans eru mikilvægur þáttur í stuðningi bankans við samfélagið. Með þeim leggur bankinn bæði einstaklingum, hópum og félagssamtökum lið við verkefni sem er sinnt af einlægni og ómetanlegum áhuga og sem vert er að verðlauna. Styrkjunum er einkum ætlað að styðja mannúðar- og líknarmál, menntamál, rannsóknir og vísindi, forvarnar- og æskulýðsstarf, sértæka útgáfustarfsemi og verkefni á sviðum menningar og lista.

Dómnefnd um úthlutun samfélagsstyrkja var að þessu sinni skipuð þeim Ármann Jakobssyni, prófessor við Háskóla Íslands, Kristjáni Kristjánssyni upplýsingafulltrúa Landsbankans og Guðrúnu Agnarsdóttur lækni, en hún var jafnframt formaður dómnefndar.

Samfélagsstyrkir Landsbankans – ágúst 2015

1.000.000 kr.

  • Rauði krossinn á Íslandi og Geðhjálp – Verkefnið Hópastarf og virkni á vegum Rauða krossins sem ætlað er að styðja við bakið á ungum drengjum sem eiga erfitt með að fóta sig í lífinu og landssöfnunin Út með'a, vitundarvakning gegn sjálfsvígum ungra karla sem unnin var í samstarfi Rauða Krossins og Geðhjálpar.

500.000 kr.

  • Ása Helga Hjörleifsdóttir – Stelpur skjóta, sumarnámskeið í kvikmyndagerð fyrir stelpur á aldrinum 15-18 ára.
  • Djúpavogshreppur – Samtímalistsýningin Rúllandi snjóbolti/6 á Djúpavogi.
  • Fjölbrautarskólinn í Breiðholti – Samstarfsverkefni með Þjónustumiðstöð Breiðholts um að bæta geðheilbrigði nemenda í Fjölbrautaskólanum í Breiðholti.
  • Gljúfrasteinn – hús skáldsins – Lesum Laxness, verkefni sem miðar að því að hvetja til lesturs á verkum Halldórs Laxness.
  • Glætan – Starfsemi Tómstundamiðstöðvar Glætunnar fyrir börn og ungmenni sem eiga undir högg að sækja félagslega.
  • Háskóli Íslands – Ljósakassinn, námsefni um ljós í tækni og vísindum, gefinn í alla grunnskóla landsins.
  • Heimili og skóli – Fræðsluherferð fyrir nemendur í 6. bekk í Reykjavík um ábyrga netnotkun.
  • Marta Nordal – Uppsetning á einleik sem byggður er á lífi Nazanin Askari og fjalla mun um kven- og tjáningarfrelsi og íslamska trú.
  • Samband garðyrkjubænda – Heimildakvikmynd um garðyrkju á Íslandi í tilefni af sextíu ára afmæli sambandsins.
  • Tómas Njálsson – Blindravitinn, hugbúnaður sem auðveldar blindum og sjónskertum að finna dyr eða innganga að byggingum.
  • Tölvumiðstöð fatlaðra – Þróun á kennsluaðferð til að efla læsi íslenskra barna og unglinga með lestrarörðugleika.
  • Winda – félag áhugafólks um pólska og íslenska menningu – Starfsemi Vængs, félagsmiðstöðvar fyrir unga innflytjendur sem ættaðir eru frá Póllandi.

250.000 kr.

  • Anna Dröfn Ágústsdóttir – Söfnun heimilda um ljósmyndarann Ólaf K. Magnússon, sem oft hefur verið nefndur ljósmyndari þjóðar.
  • Askja Films – Stuttmyndin Heiti potturinn, sem ætlað er að fanga sérstæða og skemmtilega umræðuhefð og þá nánd sem myndast í heita pottinum.
  • Bjarminn – samtök gegn kynferðisofbeldi – Skipulagning fyrirlestra og starf sjálfsstyrkingarhópa í Vestmannaeyjum til að styðja við fórnarlömb kynferðisofbeldis.
  • Borgarsögusafn Reykjavíkur – Sýningin Sjókonur – íslenskar konur til sjós í fortíð og nútíð sem haldin er í tilefni af 100 ára afmæli kosningaréttar kvenna.
  • Ester Marít Arnbjarnardóttir – Hönnun á myndrænum leiðbeiningum fyrir börn um flokkun sorps fyrir börn.
  • Fama – Útgáfa bókarinnar Frú ráðherra: frásagnir kvenna á ráðherrastóli en í henni eru viðtöl við tuttugu konur sem gegnt hafa ráðherraembætti í ríkisstjórn.
  • Haraldur Sigurðsson – Ritun sögu bæjarskipulags og mótun umhverfis á Íslandi á 20. öld.
  • Ljóðvegir – Inn á græna skóga, sýning á ljóðum Snorra Hjartarsonar skálds.
  • Skáksamband Íslands – Ritun bókar um sögu Reykjavíkurmótanna í skák eftir Helga Ólafsson stórmeistara.
  • Svipir – Leiksýningin Endatafl eftir írska Nóbelsskáldið Samuel Beckett.
  • Sögufélagið – Ritverkið Kristján X. Konungur Íslands 1918-1944.
  • Ævar Þór Benediktsson – Lestrarátak Ævars vísindamanns fyrir nemendur í 1.-7. bekk í íslenskum grunnskólum.

Landsbankinn óskar styrkhöfum til hamingju með styrkina og velfarnaðar í framtíðinni.

Útmeða-hlaupahópurinn
Útmeða-hlaupahópurinn, sem hljóp hringinn í kringum landið til að safna fé fyrir vitundarvakning gegn sjálfsvígum ungra karla, mætti galvaskur á afhendinguna en verkefnið hlaut 500.000 kr. styrk.

17. september 2019 13:27

Umræðan: Fyrirtæki metin út frá samfélagsábyrgð

Í nýju viðtali á Umræðunni ræðir Tom Haas Carstensen, framkvæmdastjóri hjá LGT Capital Partners um mikilvægi þess að taka mið af umhverfislegum og félagslegum sjónarmiðum í fjárfestingum. LGT hefur þróað aðferð til að meta fyrirtæki út frá því hvernig þau standa sig í samfélagsábyrgð.


Nánar

12. september 2019 10:24

Ferðaþjónusturáðstefna Landsbankans haldin 26. september

Landsbankinn stendur fyrir opinni ráðstefnu um stöðu og framtíðarhorfur ferðaþjónustu á Íslandi fimmtudaginn 26. september 2019 í Silfurbergi Hörpu.


Nánar

05. september 2019 16:33

Landsbankinn + Iceland Airwaves kynna: Una Schram

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Að þessu sinni mun bankinn birta eitt myndband í einu og fyrsti tónlistarmaðurinn í ár var Krassasig. Nú er komið að myndbandi númer tvö í röðinni og er það með söngkonunni Unu Schram.


Nánar