Fréttir

25. júní 2015 17:02

Landsbankinn styrkir fimmtán framúrskarandi námsmenn

 

Fimmtán námsmenn í afar fjölbreytilegu námi fengu úthlutað námsstyrkjum úr Samfélagssjóði Landsbankans í gær. Styrkirnir voru nú veittir í tuttugasta og sjötta sinn. Heildarupphæð námsstyrkja nemur sex milljónum króna sem er hæsta styrkveiting banka af þessu tagi á Íslandi. Alls bárust tæplega 700 umsóknir.

Veittir eru styrkir í fimm flokkum; til framhaldsskólanema, iðn- og verknema, háskólanema, til háskólanema í framhaldsnámi og listnema. Landsbankinn er eini bankinn sem veitir sérstaka listnámsstyrki. Námsmennirnir leggja stund á ólíkar greinar, allt frá stærðfræði til ljósmyndunar, klarinettuleik, læknisfræði og flug- og geimverkfræði.

Dómnefndin leitaðist við að styrkja metnaðarfulla, framúrskarandi námsmenn með framtíðarsýn sem taldir eru líklegir til að auðga íslenskt samfélag í framtíðinni. Einnig var litið til annarra atriða við valið svo sem rannsókna og greinaskrifa, sjálfboðastarfa, afreka í íþróttum og þátttöku í félagsstarfi svo nokkuð sé nefnt.

Styrkþegar námsstyrkja Landsbankans 2015

Styrkir til framhaldsskólanáms – 200.000 kr. hver

  • Filippía Svava Gautadóttir – Verkmenntaskólinn á Akureyri
  • Guðrún Höskuldsdóttir – Menntaskólinn í Reykjavík
  • Matthias Baldursson Harksen – Menntaskólinn í Reykjavík

Styrkir til iðn- og verknáms – 400.000 kr. hver

  • Alexander Ingi Olsen – flugnám
  • Elísabet Anna Kristjánsdóttir – ljósmyndun
  • Guðbjörg Þóra Stefánsdóttir – fatahönnun

Styrkir til háskólanáms – 400.000 kr. hver

  • Birna Brynjarsdóttir – læknisfræði við Háskóla Íslands
  • Bjarni Örn Kristinsson – flug- og geimverkfræði við MIT
  • Gunnar Thor Örnólfsson – stærðfræði við Háskóla Íslands

Styrkir til háskólanáms á framhaldsstigi – 500.000 kr. hver

  • Arnór Hákonarson – meistaranám í stærðfræði við Oxford-háskóla
  • Helga Kristín Ólafsdóttir – meistaranám í stærðfræði og tölvunarfræði við Chalmers-háskóla
  • Jón Gunnar Ólafsson – doktorsnám í fjölmiðla- og boðskiptafræði við Goldsmiths College

Styrkir til listnáms – 500.000 kr. hver

  • Anna María Tómasdóttir – meistaranám í leikstjórn við Actors Studio Drama School
  • Baldvin Ingvar Tryggvason – meistaranám í klarinettuleik við Royal College of Music
  • Herdís Stefánsdóttir – meistaranám í tónsmíðum fyrir kvikmyndir og margmiðlun við Steinhardt-deild New York háskóla

Í dómnefnd sátu: Runólfur Smári Steinþórsson prófessor við Háskóla Íslands, Auður Björk Guðmundsdóttir framkvæmdastjóri hjá VÍS, Guðrún Norðfjörð viðskiptastjóri hjá Íslensku auglýsingastofunni, Halla Jónsdóttir fræðslustjóri Landsbankans og Þórmundur Jónatansson í markaðsdeild Landsbankans.

15. nóvember 2019 08:18

Landsbankinn breytir vöxtum

Fastir vextir óverðtryggðra íbúðalána til 36 mánaða lækka um 0,20 prósentustig en fastir vextir óverðtryggðra íbúðalána til 60 mánaða eru óbreyttir. Breytilegir vextir óverðtryggðra íbúðalána lækka um 0,15 prósentustig og aðrir breytilegir vextir óverðtryggðra útlána lækka almennt um 0,10-0,25 prósentustig.


Nánar

14. nóvember 2019 08:42

Hagsjá: 18% fækkun ferðamanna í október

Það sem af er ári hefur ferðamönnum frá Norður-Ameríku fækkað mest á sama tíma og ferðamönnum frá Kína og Rússlandi fjölgar. Um 163.000 ferðamenn komu til landsins í gegnum Leifsstöð í október og voru þeir 18,4% færri en í október 2018.


Nánar

12. nóvember 2019 09:28

Hagsjá: Fjáraukalög 2019 - ágætar horfur fyrir árið miðað við það sem vænta mátti

Samkvæmt fjárlögum árisins 2019 var heildarjöfnuður ríkissjóðs 28,6 ma.kr. Um það leyti sem fjárlagafrumvarp fyrir árið 2020 var lagt fram var reiknað með að halli yrði á rekstri ríkissjóðs um 8,8 ma.kr. á árinu 2019.


Nánar