Fréttir

19. júní 2015 12:30

Landsbankinn vinnur að samruna bankans og Sparisjóðs Norðurlands

Landsbankinn hf. hefur í dag, 19. júní 2015, skrifað undir samkomulag við Sparisjóð Norðurlands ses. um að hafinn verði undirbúningur að samruna félaganna. Stjórn sparisjóðsins leitaði til Landsbankans þann 9. júní 2015, til að kanna áhuga á samruna, vegna óvissu um framtíð sjóðsins og hafa viðræður staðið frá þeim tíma.

Samruni lýtur lögbundnu ferli sem tekur að lágmarki fjórar vikur, frá því hann er fyrst auglýstur með formlegum hætti og er háð aðkomu bæði Fjármálaeftirlits og Samkeppniseftirlits.

Sameinað fyrirtæki yrði rekið undir nafni Landsbankans og við hann rynnu allar eignir og skuldbindingar sparisjóðsins inn í Landsbankann og hann tæki við rekstri allra útibúa sjóðsins.

Samkvæmt því samkomulagi sem fyrir liggur munu stofnfjáreigendur í sparisjóðnum fá greitt með hlutabréfum í Landsbankanum. Heildarendurgjald til þeirra yrði 594 milljónir króna með fyrirvara um áreiðanleikakönnun.

Steinþór Pálsson bankastjóri Landsbankans segir: „Stjórn Sparisjóðs Norðurlands ses. óskaði eftir afstöðu Landsbankans til samruna félaganna í ljósi þess að sjóðurinn hefur ekki uppfyllt kröfur eftirlitsaðila um eiginfjárhlutfall. Að fengu samþykki eftirlitsaðila teljum við að samruni fyrirtækjanna geti gengið greiðlega fyrir sig og að Landsbankinn geti haldið úti öflugri þjónustu á svæði Sparisjóðs Norðurlands.“

 

15. nóvember 2019 08:18

Landsbankinn breytir vöxtum

Fastir vextir óverðtryggðra íbúðalána til 36 mánaða lækka um 0,20 prósentustig en fastir vextir óverðtryggðra íbúðalána til 60 mánaða eru óbreyttir. Breytilegir vextir óverðtryggðra íbúðalána lækka um 0,15 prósentustig og aðrir breytilegir vextir óverðtryggðra útlána lækka almennt um 0,10-0,25 prósentustig.


Nánar

15. nóvember 2019 10:56

Hagsjá: Spáum að verðbólga fari í markmið í nóvember

Hagstofan birtir nóvembermælingu vísitölu neysluverðs (VNV) miðvikudaginn 27. nóvember. Hagfræðideild Landsbankans spáir óbreyttu gildi vísitölunnar milli mánaða. Gangi spáin eftir lækkar verðbólgan úr 2,8% í 2,5%.


Nánar

15. nóvember 2019 08:14

Umræðan: Hvert stefnir bankaheimurinn?

Í nýrri grein á Umræðunni er fjallað um framtíð fjártækni, m.a. um möguleikann á því að tengja ýmsar upplýsingar af samfélagsmiðlum við fjármálaöpp og fá þannig sérsniðin tilboð um vörur og lánafyrirgreiðslu.


Nánar