Fréttir

19. maí 2015 09:33

Landsbankinn skilar inn framvinduskýrslu um ábyrgar fjárfestingar

Landsbankinn hefur skilað inn fyrstu framvinduskýrslu sinni til PRI (Principle for Responsible Investment eða viðmið um ábyrgar fjárfestingar). PRI eru alþjóðleg samtök fjárfesta sem vinna saman að því að innleiða tiltekin grundvallarviðmið um ábyrgar fjárfestingar og njóta til þess stuðnings Sameinuðu þjóðanna.

Landsbankinn er fyrsta fjármálafyrirtækið á Íslandi sem undirgengst viðmið PRI en rúmlega 1.300 fyrirtæki á sviði eignastýringar og fjárfestinga um allan heim eiga aðild að PRI. Landsbankinn fékk aðild að PRI í ársbyrjun 2013 en aðilar að PRI eru skuldbundnir til að gera árlega grein fyrir framvindu verkefna sem falla undir viðmið samtakanna.

Landsbankinn birti stefnu sína um ábyrgar fjárfestingar haustið 2013 og hefur verið unnið að innleiðingu hennar í Eignastýringu bankans frá þeim tíma. Stefna bankans tekur mið af reglum Landsbankans um áhættuvilja, stórar áhættuskuldbindingar og hámark heildaráhættu, rekstraráhættu, orðsporsáhættu, lausafjáráhættu og góða stjórnarhætti. Stefnunni er ætlað að tryggja að viðmið um ábyrgar fjárfestingar séu jafnan höfð til hliðsjónar við mat á fjárfestingakostum.

Framvinduskýrsla Landsbankans

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista