Fréttir

24. mars 2015 13:20

Metaðsókn á ráðstefnu um ferðaþjónustu

Aðalræðumaður var Bandaríkjamaðurinn Doug Lansky sem er þekktur fyrirlesari, blaðamaður, ráðgjafi og rithöfundur víða um heim.

Metaðsókn var á ráðstefnu Landsbankans um ferðaþjónustu sem haldin var í Hörpu 24. mars undir yfirskriftinni Eru milljón ferðamenn vandamál? Rúmlega 450 manns skráðu sig á ráðstefnuna og hafa aldrei verið fleiri, en Landsbankinn hefur undanfarin ár staðið fyrir stórum vorráðstefnum um stöðu og horfur í ferðaþjónstu á Íslandi.

Á ráðstefnunni kynnti Gústaf Steingrímsson hagfræðingur í Hagfræðideild Landsbankans nýja úttekt bankans á mikilvægi ferðaþjónustunnar í íslensku efnahagslífi. Elín Árnadóttir, aðstoðarforstjóri Isavia, kynnti uppbyggingaráætlun Isavia á Keflavíkurflugvelli til næstu 25 ára og allar þær fjárfestingar sem ráðast þarf í til að anna fyrirsjáanlegri fjölgun ferðamanna næstu árin. Davíð Björnsson forstöðumaður á Fyrirtækjasviði Landsbankans fór yfir hótelmarkaðinn í Reykjavík og þá uppbyggingu sem framundan er á því sviði.

Aðalræðumaður ráðstefnunnar var bandaríkjamaðurinn Doug Lansky sem er þekktur fyrirlesari, blaðamaður, ráðgjafi og rithöfundur. Lansky ræddi um þær skyldur sem stöðug fjölgun ferðamanna leggur ferðaþjónustunni á herðar og hvernig hægt væri að halda áfangastöðum spennandi um lengri tíma.

Allt efni ráðstefnunnar er aðgengilegt á vef bankans, þar má nefna úttekt Hagfræðideildar, glærukynningar fyrirlesara og upptökur af erindum þeirra.

Eru milljón ferðamenn vandamál?

Rúmlega 450 manns skráðu sig á ráðstefnu Landsbankans um ferðaþjónustu sem haldin var í Hörpu 24. mars. Eru milljón ferðamenn vandamál?

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista