Fréttir

18. mars 2015 20:48

Niðurstöður aðalfundar Landsbankans 2015

Aðalfundur Landsbankans vegna rekstrarársins 2014 fór fram á Hilton Reykjavík Nordica 18. mars. Á dagskrá fundarins voru hefðbundin aðalfundarstörf. Á fundinum var bankaráð bankans allt endurkjörið og Tryggvi Pálsson endurkjörinn formaður. Aðalmenn eru því Tryggvi Pálsson, Danielle Pamela Neben, Eva Sóley Guðbjörnsdóttir, Helga Björk Eiríksdóttir, Jóhann Hjartarson, Jón Sigurðsson og Kristján Þ. Davíðsson. Varamenn eru þau Árni G. Hauksson og Tinna Laufey Ásgeirsdóttir.

Fundurinn samþykkti tillögu bankaráðs um að greiddur verði arður til hluthafa vegna reikningsársins 2014 sem nemur 1,00 krónu á hlut eða um 23,7 milljarðar króna. Það samsvarar um 80% af hagnaði ársins. Útborgunardagur arðs verður 25. mars 2015.

Þá samþykkti fundurinn heimild þess efnis að Landsbankinn hf. geti eignast hluti allt að 10% af nafnverði hlutafjár í bankanum. Heimild þessi gildir fram að aðalfundi Landsbankans hf. árið 2016. Ef heimildin verður nýtt þá er ráðstöfun Landsbankans hf. á þeim hlutum sem keyptir verða háð samþykki hluthafafundar. Lægsta og hæsta fjárhæð sem Landsbankinn hf. má reiða fram sem endurgjald fyrir hvern hlut skal samsvara hlutfalli á milli eigin fjár sem tilheyrir hluthöfum bankans og hlutafjár samkvæmt síðast birta ársuppgjöri eða árshlutauppgjöri áður en kaup á eigin hlutum fara fram.

Á aðalfundi Landsbankans var Ríkisendurskoðun kosin endurskoðandi félagsins fyrir fjárhagsárið 2015. Það upplýsist einnig að Ríkisendurskoðun hefur gert samning við Grant Thornton endurskoðun ehf. um endurskoðun ársreikninga félagsins og könnun árshlutareikninga.

Allar nánari upplýsingar um niðurstöður aðalfundar bankans má nálgast á www.landsbankinn.is/adalfundur, þar má finna skýrslu bankaráðs, kynningu bankastjóra og önnur gögn sem fram voru lögð á fundinum. Þá verður fundargerð einnig gerð aðgengileg á vef bankans.

Nánar um aðalfundinn

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista