Fréttir

02. febrúar 2015 11:43

Nýr netbanki Landsbankans valinn besta þjónustusvæðið

 

Nýr netbanki Landsbankans er besta þjónustusvæðið að mati dómnefndar Íslensku vefverðlaunanna árið 2014.

Verðlaunin voru afhent á árlegri uppskeruhátíð vefiðnaðarins 30. janúar. Sjö manna dómnefndi valdi úr 140 tilnefningum og veitt voru verðlaun í 14 flokkum.

Í umsögn dómnefndar um nýjan netbanka Landsbankans segir: „Fjölmörg efnileg þjónustusvæði voru tilnefnd í ár, en sigurvegarinn þótti skara sérstaklega fram úr á sínum vettvangi. Praktísk framsetning efnis, nýstárleg hönnun og viðmót og tæknilegar framfarir bak við tjöldin haldast þétt í hendur…“

Netbankinn endurhannaður frá grunni

Byrjað var að leggja drög að nýjum netbanka árið 2012. Netbankinn var endurhannaður frá grunni, með nýju viðmóti, nýrri uppbyggingu og nýjum möguleikum, með það fyrir augum að bjóða upp á aðgengilegri, einfaldari og þægilegri netbanka. Nýi netbankinn er mótaður af viðskiptavinum Landsbankans þar sem endurhönnunin byggir á ítarlegum notkunarmælingum og þeim aðgerðum sem viðskiptavinir nota mest. Viðmótið var einfaldað mikið og algengustu og mikilvægustu aðgerðirnar gerðar aðgengilegri.

Nýr netbanki Landsbankans var settur í loftið í desember. Fyrst var gefin út þróunarútgáfa og gátu viðskiptavinir valið um að prófa hann og taka þátt í hönnuninni með því að senda inn ábendingar um það sem þeim fannst að betur mætti fara. Frá 19. janúar 2015 hefur hann verið fyrsta val á innskráningarsíðu netbankans en gamli netbankinn verður áfram aðgengilegur um sinn.

Notkun netbankans og farsímabanka Landsbankans - l.is - hefur aukist ár frá ári. Sífellt fleiri nota spjaldtölvur og snjallsíma til að tengjast netbankanum. Í nýja netbankanum eru letur, töflur og innlsláttarreitir nægilega stórir til að þægilegt sé að nota hann í spjaldtölvum og öðrum tækjum, ekki bara í borðtölvum.

Snæbjörn Konráðsson, forstöðumaður vefdeildar Landsbankans segir bankann leggja mikla áherslu á að þróa netlausnir fyrir viðskiptavini enda sinni þeir langflestir megninu af sínum bankaviðskiptum á netinu. „Það er ánægjulegt fyrir okkur að fagmenn á þessu sviði skuli meta að verðleikum þá miklu vinnu sem Landsbankinn hefur lagt í að endurhanna netbankann. Með breytingunum vildum við einfalda viðmótið, fjölga möguleikunum og hanna vef þar sem rými er fyrir stöðugar endurbætur í takt við þarfir okkar viðskiptavina.“

Íslensku vefverðlaunin 2014

Nánar um nýja netbankann

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista