Fréttir

26. janúar 2015 15:54

Kraftur og hugmyndaauðgi einkenndi UnConference

 

Um 200 manns tóku þátt í Iceland Innovation UnConference (IIU) sem fór fram á Háskólatorgi á laugardaginn var. Landsbankinn heldur viðburðinn í samstarfi við Háskóla Íslands og Mass TLC (Massachusetts Technology Leadership Council). 

Þetta var í þriðja sinn sem IIU er haldin á Íslandi en þar gefst þátttakendum tækifæri til að afla nýrrar þekkingar, stofna til gagnlegra tengsla og taka þátt í að efla nýsköpun á Íslandi. Mörg spennandi verkefni og fyrirtæki hafa orðið til á þessum viðburði í þau skipti sem hann hefur verið haldinn.

Skoða myndir frá viðburðinum

Meðal þátttakenda voru fulltrúar sprotafyrirtækja, fjárfestar, sérfræðingar í rekstri fyrirtækja, markaðsfólk, hönnuðir og ráðgjafar. Þátttakendur mótuðu dagskrána í sameiningu í upphafi dags og umræðuhópar ræddu fjölmörg ólík viðfangsefni.

Frumkvöðlar höfðu kost á að bóka einkaviðtöl hjá um 100 leiðbeinendum og fá verðmæta ráðgjöf frá reyndum frumkvöðlum, forstjórum, sérfræðingum úr atvinnulífinu og háskólum. Markmiðið með þessari óhefðbundnu aðferðafræði er að leiða saman fólk sem ekki á kost á að ræða saman öllu jafna,stofna til nýrra tengsla og styrkja með áhrifaríkum hætti umhverfi nýsköpunar á Íslandi.

Steinþór Pálsson, bankastjóri Landsbankans, segir framlag sem þetta mikilvægt til að styðja við nýsköpun og koma hlutum á hreyfingu. „Landsbankinn hefur staðið fyrir IUU þrisvar sinnum í góðu samstarfi við Háskóla Íslands. Það sem einkennir þennan viðburð er hugmyndaauðgi og kröftugar umræður um nýsköpun og þróun nýrra fyrirtækja. Bankinn og HÍ skapa með IIU forsendur fyrir samskiptum sem eru mikilvæg fyrir alla, jafnt frumkvöðla sem aðra. Við erum mjög ánægð með afraksturinn.

Hvað sögðu þátttakendur?

Guðjón Már Guðjónsson, OZ

„Það sem stendur jafnan upp úr eftir UnConference er krafturinn hjá þeim sem vilja koma hugmyndum sínum á framfæri. Mér finnst formið á viðburðinum fullkomið og þar sem þetta er á laugardegi hefur fólk úr atvinnulífinu enga afsökun að mæta ekki. Viðburðurinn flokkast undir sjálfsmenntun, sem er einn mikilvægasti þáttur í lífi okkar einstaklinga í stað þess að stóla eingöngu á menntakerfið." 

Stefanía Bjarney Ólafsdóttir, Plain Vanilla Games

„Ég fékk mikið út úr einkaviðtölum mínum á UnConference og er þegar komin með nokkrar hugmyndir varðandi útfærslu þeirra. Einnig myndaði ég mikilvæg tengsl einfaldlega með því að spjalla við fólk sem ég hitti á ráðstefnunni. Í umræðuhópunum gafst mér loks tækifæri til að læra af reynslu annarra. UnConference hefur því gefið mér leið til að halda áfram og ég tel að ég muni framkvæma hugmynd mína fyrr en ég hafði gert mér í hugarlund. 

Davíð Örn Símonarson, Appollo X/Zalibuna

„Það sem þessi viðburður gefur mér mun nýtast næstu árin. Jafnvel þótt þú hafir þegar stofnað fyrirtæki er alltaf hægt að gera betur en á viðburði sem þessum fær fólk frábærar hugmyndir að betrumbótum og myndar sambönd sem endast lengi. Ég hlakka til að sjá alla á næsta UnConference því þessi viðburður hefur vaxið hratt og þroskast vel.

Nánar um UnConference

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista