Fréttir

20. janúar 2015 16:08

Nýr netbanki einstaklinga tekinn í notkun

   

Landsbankinn hefur nú tekið í notkun nýja útgáfu af netbanka einstaklinga. Fyrst um sinn verður þó einnig hægt að nota gamla netbankann.

Netbankinn hefur verið endurhannaður frá grunni, með nýju viðmóti, nýrri uppbyggingu og nýjum möguleikum, með það fyrir augum að bjóða upp á aðgengilegri, einfaldari og þægilegri netbanka. Nýi netbankinn er mótaður af viðskiptavinum Landsbankans þar sem endurhönnunin byggir á ítarlegum notkunarmælingum og þeim aðgerðum sem viðskiptavinir nota mest.

Algengustu og mikilvægustu aðgerðirnar eru alltaf við höndina þar sem þeirra er þörf. Það þýðir að notendur þurfa ekki að fara á sérstaka síðu til að framkvæma aðgerðir heldur eru þær kláraðar á staðnum. Notendur fá skýra og einfalda samantekt á fjárhagslegri stöðu þinni um leið og þeir hafa skráð sig inn í netbankann. Loks er auðvelt að kafa dýpra og fá nánari upplýsingar um hvern þjónustuþátt.

Nánari upplýsingar um nýja netbankann

Innskráningarsíða netbankans

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista