Fréttir

11. desember 2014 16:53

Landsbankinn hf. stækkar flokk sértryggðra skuldabréfa

Landsbankinn hf. lauk í dag sölu á LBANK CB 19, óverðtryggðum flokki sértryggðra skuldabréfa sem skráður er á Nasdaq Iceland. Útgáfan var stækkuð um 900 m.kr. á ávöxtunarkröfunni 5,95%. Áður hefur Landsbankinn gefið út 1.740 m.kr. í sama flokki og nemur heildarstærð flokksins því 2.640 m.kr. eftir viðbótarútgáfuna.

Stefnt er að því að bréfin verði tekin til viðskipta á Nasdaq Iceland þann 19. desember 2014 en Straumur fjárfestingabanki hf. mun sinna viðskiptavakt.

Sértryggðu skuldabréfin eru gefin út með leyfi frá Fjármálaeftirlitinu með vísan í lög nr. 11/2008 og reglur nr. 528/2008. Nánari upplýsingar um skuldabréfin og tryggingasafnið má finna á vefsvæði fjármögnunar bankans.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar