Fréttir

06. nóvember 2014 15:58

Landsbankinn tilnefndur sem markaðsfyrirtæki ársins

Landsbankinn var eitt þeirra fimm fyrirtækja sem tilnefnd voru sem markaðsfyrirtæki ársins 2014 af hálfu ÍMARK. Þetta er annað árið í röð sem bankinn er tilnefndur til þessara verðlauna. Símafyrirtækið Nova hlaut verðlaunin að þessu sinni en auk Landsbankans og Nova voru Íslandsbanki, Ölgerðin og Össur tilnefnd til verðlaunanna.

Verðlaunin eru veitt fyrirtækjum sem hafa verið áberandi í markaðsmálum á líðandi ári og sannað þykir að markaðsstarfið hafi skilað árangri. Valið byggir á ítarlegri skoðun dómnefndar þar sem lagt er mat á fagmennsku og árangur.

Birna Einarsdóttir, bankastjóri Íslandsbanka, var valin markaðsmaður ársins en verðlaunin eru veitt einstaklingi, sem hefur sýnt framúrskarandi árangur í markaðsstarfi á líðandi ári. Við valið er leitast við að fá fram álit víðsvegar úr atvinnulífinu.

ÍMARK hefur veitt Markaðsverðlaunin frá árinu 1991 og eru verðlaunin afhent í nóvember ár hvert. Markmið þeirra er að stuðla að aukinni fagmennsku í markaðsstarfi íslenskra fyrirtækja.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar