Fréttir

04. nóvember 2014 14:00

Landsbankinn styrkir landssamtökin Spítalinn okkar

Þorkell Sigurlaugsson, stjórnarmaður í Spítalanum okkar, Anna Stefánsdóttir, formaður stjórnar Spítalans okkar, Jensína K. Böðvarsdóttir, framkvæmdastjóri hjá Landsbankanum og Elínborg Valdís Kvaran, markaðsstjóri Landsbankans.

Landsbankinn hefur skrifað undir styrktarsamning við landssamtökin Spítalinn okkar um kynningarstarf vegna uppbyggingar nýs húsnæðis Landspítalans.

Tilgangur kynningarstarfsins er að afla stuðnings meðal almennings við framkvæmdir við nýbyggingar Landspítala, svo þær geti hafist hið fyrsta og tryggja megi með því örugga heilbrigðisþjónustu í landinu.

Anna Stefánsdóttir, formaður Spítalans okkar, sagði: „Stuðningur Landsbankans er okkur mjög mikilvægur og hjálpar okkur að ná markmiðum okkar með kynningarstarfinu.“

Að mati samtakanna Spítalinn okkar er mikilvægi nýbygginga óumdeilt þar sem húsnæði Landspítala uppfyllir ekki staðla nútímalegrar heilbrigðisþjónustu. Að auki verði margs konar nýrri tækni sem nú er staðalbúnaður á nútíma sjúkrahúsum, engan veginn við komið í gömlu byggingunum, sem auk þess séu dreifðar um borgina með tilheyrandi óhagræði. Með eðlilegum tengslum milli starfseininga muni starfsemi batna, mistökum fækka og öryggi sjúklinga verða betur tryggt en nú er.

Samtökin benda sérstaklega á í þessu samhengi, að sterk tengsl eru milli aðbúnaðar sjúklinga og árangurs við meðferð.

Um Spítalann okkar:

Spítalinn okkar - landssamtök um uppbyggingu nýs húsnæðis Landspítala voru stofnuð miðvikudaginn 9. apríl 2014. Stofnfélagar voru um 300 manns, áhrifafólk um allt land. Markmið félagsins er að afla stuðnings meðal almennings og stjórnvalda við nauðsynlegar úrbætur á húsakosti spítalans, að kynna fyrirliggjandi áætlanir um endurnýjun og viðbætur við húsnæði spítalans og að draga fram valkosti í fjármögnun og framkvæmd verkefnsins.

Nánari upplýsingar um Spítalann okkar

Facebook-síða Spítalans okkar

02. júní 2020 11:17

Lindaskóli varði titillin í Skólahreysti

Lindaskóli í Kópavogi sigraði Skólahreysti 2020 og vann þar með keppnina annað árið í röð. Úrslitakeppnin fór fram í Laugardalshöll laugardaginn 30. maí og var æsispennandi allt til enda.


Nánar

02. júní 2020 10:37

Vikubyrjun 2. júní 2020

Efnahagsleg áhrif Covid-19 hafa komið mishart niður á viðskiptalöndum Íslands. Sum lönd upplifðu töluverðan samdrátt á meðan lítilsháttar aukning mældist í öðrum. Þannig var 5,4% samdráttur í Frakklandi á fyrsta ársfjórðungi miðað við sama tímabil í fyrra. Í Þýskalandi var 2,3% samdráttur og 1,6% samdráttur í Bretlandi. Í Bandaríkjunum var hins vegar 0,3% hagvöxtur og einnig var lítilsháttar hagvöxtur í Svíþjóð og Noregi á fyrsta fjórðungi ársins.


Nánar

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

Skráðu þig á póstlista