Fréttir

30. október 2014 09:55

Landsbankinn þátttakandi í Arctic Circle ráðstefnunni

Landsbankinn verður bakhjarl og virkur þátttakandi á Arctic Circle ráðstefnunni um framtíð norðurslóða, sem haldin verður í Hörpu dagana 31. október-2. nóvember. Ráðstefnan laðar árlega til sín á annað þúsund gesta til Íslands en undir merkjum hennar starfa jafnt fræðimenn, þjóðarleiðtogar og innlendar og erlendar stofnanir og fyrirtæki að málefnum norðurslóða.

Landsbankinn mun á ráðstefnunni taka þátt í að stofna nýjan samráðsvettvang um sjálfbæra nýtingu og verndun hafsins, undir heitinu Oceana. Þessum samráðsvettvangi innan ráðstefnunnar er ætlað að vinna að útfærslu hugmynda um verndun hafsins með því að draga úr mengun með grænni tækni.

Unnið verður að markvissri stefnumótun Oceana á næstu mánuðum en viðfangsefni samstarfsvettvangsins eru m.a.:

  • Rannsóknir, þróun, framleiðsla og kynning á tæknilausnum sem stuðla að vernd hafsins.
  • Nýting rannsókna innan háskóla, opinberra stofnanna og fyrirtækja til að þróa nýjar tæknilausnir og viðskiptatækifæri sem nýtast til verndar hafsins.
  • Samnýting tengslanets fyrirtækja til að koma íslenskum lausnum á framfæri.
  • Hagkvæm orkunýting, vöktun umhverfisgæða, endurnýjanlegir orkugjafar og leiðir til að koma í veg fyrir mengun hafsins.
  • Að halda á lofti umhverfisvænum lausnum og sjónarmiðum og styðja með því við stefnu stjórnvalda um hreint haf og vernd lífríkis þess.

Auk Landsbankans er verkefnið stutt er af fjölmörgum aðilum, s.s. umhverfisráðuneytinu, Reykjavíkurborg, Háskóla Íslands, Háskólanum í Reykjavík, Hafrannsóknarstofnun, Orkustofnun, Samtökum iðnaðarins, Granda hf., Clean Tech Iceland sem eru samtök fyrirtækja í grænni tækni, og fjölda tæknifyrirtækja.

Málþing um Oceana

Landsbankinn mun standa fyrir sérstakri málstofu á Arctic Circle ráðstefnunni til að kynna Oceana verkefnið. Málstofan verður haldin í Hörpu (Rímu) föstudaginn 31. október og hefst kl. 17:00. Meðal ræðumanna eru Sigurður Ingi Jónsson umhverfisráðherra, Dagur B. Eggertsson borgarstjóri, Ágústa Loftsdóttir vísindamaður við Orkustofnun, Jón Ágúst Þorsteinsson stjórnarformaður Marorku og Steinþór Pálsson bankastjóri Landsbankans.

18. september 2020 12:27

Hagsjá: Íbúðaverð hækkar verulega, annan mánuðinn í röð

Íbúðaverð á höfuðborgarsvæðinu hækkaði um 0,8% milli mánaða í ágúst. Þetta er annar mánuðurinn í röð þar sem hækkunin mælist yfir 0,5%. Verðhækkanir í sumar voru talsvert meiri en á sama tíma fyrir ári síðan.


Nánar

18. september 2020 08:07

Mikil umframeftirspurn í hlutafjárútboði Icelandair Group

Almennu hlutafjárútboði Icelandair Group lauk klukkan 16.00 þann 17. september 2020. Í útboðinu voru boðnir til sölu 20 milljarðar nýir hlutir. Umframeftirspurn eftir hlutum í útboðinu nam u.þ.b. 85% frá bæði fagfjárfestum og almennum fjárfestum.


Nánar

17. september 2020 13:28

Reyna að nýta sér stolin kortanúmer

Valitor varaði í gær, 16. september, við tölvupóstum í nafni Póstsins. Í honum var fólk beðið um að smella á hlekk þar sem farið var inn á falska greiðslusíðu sem var merkt Valitor. Dæmi eru um að svikahrappar nýti sér nú kortaupplýsingarnar sem þeir fengu með þessum hætti og þurfa korthafar því að vera á varðbergi.


Nánar

Skráðu þig á póstlista