Fréttir

10. október 2014 08:30

Vel sóttur fundur um verslun


Fullt var út úr dyrum á morgunfundi Landsbankans um fjárfestingartækifæri í verslun og þjónustu sem haldinn var í Hörpu í gær, fimmtudaginn 9. október. Þar kom m.a. fram að sex árum eftir fall fjármálakerfisins er einkaneysla íslenskra heimila langt undir sögulegu meðalatali. Ný úttekt Hagfræðideildar Landsbankans sem var kynnt á fundinum leiðir m.a. í ljós ekkert þróað ríki er með minni einkaneyslu sem hlutfall af landsframleiðslu en Ísland.

Daníel Svavarsson, forstöðumaður Hagfræðideildarinnar, sagði þó á fundinum að hlutfall einkaneyslu hafi verið óeðlilega lágt árið 2013 og að líklegt sé að hlutfallið muni aukast hér á landi á næstu árum.

Auk Daníels fluttu erindi þeir Finnur Árnason, forstjóri Haga, Jón Björnsson, forstjóri hjá Festi og Jón Diðrik Jónsson, fjárfestir. Finnur fjallaði um reynslu Haga af skráningu félagins og Jón Björnsson ræddi stöðu verslunar og þeirra fyrirtækja sem hann veitir forstöðu. Jón Diðrik velti hins vegar fyrir sér hvað verslunarfyrirtæki þurfa að hafa svo þau sé áhugaverð fyrir almenna fjárfesta.

Tímarit um stöðu verslunar, þróun og framtíð

Samhliða fundinum gaf Landsbankinn út tímarit um verslun. Í því er fjallað um stöðu verslunarinnar, þróun og framtíð. Birt eru viðtöl við fólk sem er í forsvari fyrir verslunarfyrirtæki, bæði stór og smá, og fjallað um helstu breytingar sem nú eru að verða á viðskiptaháttum, þar með talda netverslun og einnig skipulagsmál, en bæði þessi atriði geta ráðið miklu um viðgang íslenskra verslana á næstu árum.

Upptökur, greinar og glærukynningar

Tímarit Landsbankans: Verslun

26. maí 2020 16:44

Afgreiðslan í Bolungarvík sameinast útibúinu á Ísafirði

Afgreiðsla Landsbankans í Bolungarvík mun sameinast útibúinu á Ísafirði þann 1. júlí næstkomandi. Landsbankinn hefur frá árinu 2015 rekið afgreiðslu í Ráðhúsi Bolungarvíkur en samhliða aukinni notkun á stafrænni þjónustu hefur eftirspurn eftir gjaldkeraþjónustu minnkað mikið.


Nánar

26. maí 2020 07:47

Hagsjá: Mikil hækkun launavísitölu í apríl – opinberi markaðurinn kominn inn aftur

Samkvæmt tölum Hagstofu Íslands hækkaði launavísitalan um 3,3% milli mars og apríl. Síðustu 12 mánuði hefur launavísitalan hækkað um 6,8%, sem er mun meiri ársbreyting en verið hefur síðustu mánuði. Þar sem verðbólga hefur verið lítil þýða þessar miklu launabreytingar að kaupmáttur tók stökk upp á við. Kaupmáttur launa jókst þannig um 2,8% milli mars og apríl og var 4,5% meiri nú í apríl en í apríl í fyrra. Sú staða er reyndar mjög athyglisverð í ljósi þess að hallað hefur verulega undan fæti í efnahagslífinu.


Nánar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

Skráðu þig á póstlista