Fréttir

25. september 2014 12:18

Stefnumarkandi verkefni í ferðaþjónustu

Icelandair Group, Bláa Lónið, Landsbankinn hf. og Meet in Reykjavík hafa undirritað stefnumarkandi samkomulag til þriggja ára um stofnun, fjármögnun og rekstur sérverkefnis á sviði markaðssetningar á Reykjavík og Íslandi sem áfangastað fyrir ferðamenn sem krefjast hágæða þjónustu. Verkefnið verður hýst og stjórnað sem sjálfstæðri einingu innan Meet in Reykjavík. Samkomulag þessa efnis er nýjung hér á landi.

Markmiðið er að stuðla að langtímastefnumörkun á þessu sviði, styrkja ímynd Reykjavíkur og Íslands í augum vel stæðra ferðamanna, auka samtakamátt fyrirtækja sem starfa á þessum markaði og hvetja til þróunar innviða og þjónustuframboðs fyrir þennan mikilvæga markhóp.

Að mati þessara fyrirtækja er nýsköpun og vöruþróun ásamt markaðssetningu nauðsynleg til að stuðla að því að fjölbreyttari hópur gesta, vilji sækja Ísland heim í ríkara mæli. Vel stæðir ferðamenn sem eru tilbúnir til að greiða umtalsvert hærra gjald fyrir þjónustu munu verða til að auka arðsemi í ferðaþjónustu auk þess sem þeir ferðast gjarnan utan háannatíma, þannig að nýting innviða verður betri.

Af þessum ástæðum vilja þessir aðilar stíga metnaðarfullt og ábyrgt skref og leggja grunn að markvissri sókn með aukinni samvinnu á þessum markaði. Samstarfið er framhald af þeirri uppbyggingu sem hófst með stofnun Meet in Reykjavík árið 2012 og mun styrkja innviði þeirrar starfsemi. Þar hafa komið saman fjöldi fyrirtækja ásamt kjölfestuaðilum eins og Reykjavíkurborg, Icelandair Group og Hörpu og náð umtalsverðum árangri á funda-, ráðstefnu-, hvataferða- og viðburðamarkaði. Sérhópar sem þessir sem og vel stæðir ferðmenn eru eftirsóttir um allan heim og mikilvægt að Ísland nái til þeirra í ríkari mæli en verið hefur.

19. ágúst 2019 09:59

Dagskrá í Landsbankanum á Menningarnótt

Menningarnótt verður haldin hátíðleg í miðborg Reykjavíkur laugardaginn 24. ágúst 2019. Landsbankinn hefur verið máttarstólpi Menningarnætur frá upphafi og býður að venju upp á fjölbreytta menningardagskrá í Austurstræti 11.


Nánar

12. ágúst 2019 09:46

Umræðan: Góðar viðtökur við fyrstu A2A-greiðslulausninni

Fyrr í sumar opnaði Landsbankinn fyrir aðgang að svokallaðri A2A-greiðslulausn, fyrstur íslenskra banka. Síðan þá hafa rúmlega 50 aðilar nýtt sér prófunarumhverfi fyrir lausnina og verið er að vinna úr fyrstu umsóknunum fyrir aðgang að raunumhverfi.


Nánar

19. ágúst 2019 08:27

Vikubyrjun 19. ágúst 2019

Atvinnuþátttaka var 84% í júní og hefur ekki verið meiri síðan í júlí 2018. 209 þús. manns voru starfandi og 6.800 atvinnulausir. Starfandi voru um 6 þús. fleiri nú í júní en í júní 2018. Vikulegur vinnutími var að jafnaði 40,1 stundir í júní og hafði fækkað um 0,6 stundir frá júní 2018.


Nánar