Fréttir

25. ágúst 2014 16:49

Fjölmenni í Landsbankanum á Menningarnótt - myndir

Fjölmenni heimsótti Landsbankann á Menningarnótt á laugardaginn var og naut fjölbreyttrar dagskrár og góðra veitinga. Listaverkagöngur Aðalsteins Ingólfssonar listfræðings þar sem hann kynnir myndlist í bankanum voru að venju mjög vel sóttar en þær hafa verið fastur liður á dagskránni frá upphafi.

Sproti mætti að sjálfsögðu á svæðið ásamt Felix Bergssyni sem jafnframt var kynnir dagsins. Eftirvæntingin var mikil þegar Lína langsokkur steig á svið en von er á stórsýningu frá henni á fjölum Borgarleikhússins í vetur. Börnin voru alsæl og fengu myndir af sér, bæði með Línu og Sprota. Barnadagskránni lauk með söngvasyrpu frá leikhópnum Lottu úr leikritum hópsins.

Hinsegin kórinn flutti svo nokkur vel valin lög af efnisskrá sinni en kórinn hefur á stuttum tíma vakið mikla athygli fyrir tónleika sína, sönggleði og fjölbreytni í lagavali. Hljómsveitin Vök sló loks botn í dagskrána en hún bar sigur úr býtum í Músíktilraunum árið 2013 og er ein efnilegasta hljómsveit landsins.

Landsbankinn er aðalbakhjarl Menningarnætur og hefur verið það frá upphafi.

Skoða myndasafn frá dagskrá Landsbankans á Menningarnótt

31. mars 2020 08:47

Hagsjá: Atvinnuleysi á fleygiferð upp á við og vinnumarkaðurinn á áður óþekktum slóðum

Í lok síðustu viku spáði Vinnumálastofnun því að atvinnuleysi í apríl og maí verði það mesta sem mælst hefur á Íslandi. Vinnumálastofnun spáir 10,8% atvinnuleysi í apríl og um 10% í maí og að það fari svo lækkandi eftir það. Þá spáir Vinnumálastofnun að meðalatvinnuleysi yfir árið verði um 7,4% og á næsta ári geti það orðið 6,4%.


Nánar

30. mars 2020 16:00

Vegna álags getur verið lengri bið eftir þjónustu

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar