Fréttir

08. ágúst 2014 12:57

Landsbankinn veitir tíu milljónum króna í samfélagsstyrki

Alls fengu 26 verkefni samfélagsstyrk úr Samfélagssjóði Landsbankans í gær. Tvö verkefni hlutu hvort um sig eina milljón króna, átta verkefni 500 þúsund krónur hvert og loks fengu sextán verkefni 250 þúsund króna styrk. Um 400 umsóknir bárust sjóðnum að þessu sinni. Samfélagsstyrkir verða veittir tvisvar á þessu ári en umsóknarfrestur fyrir seinni úthlutun rennur út 6. október 2014.

Samfélagsstyrkjum er einkum ætlað að styðja við þá sem sinna mannúðar- og líknarmálum, menntamálum, rannsóknum og vísindum, verkefnum á sviðum menningar og lista, forvarnar- og æskulýðsstarfi og sértækri útgáfustarfsemi.

Samfélagssjóður Landsbankans veitir ferns konar styrki á hverju ári: Námsstyrki, nýsköpunarstyrki, samfélagsstyrki, og umhverfisstyrki og afreksstyrkir eru veittir annað hvert ár.

Samfélagsstyrkir Landsbankans voru afhentir í gær. Hér má sjá styrkþega eða fulltrúa þeirra ásamt Guðrúnu Agnarsdóttur, formanni dómnefndar, lengst t.v. og Jensínu Kristínu Böðvarsdóttur framkvæmdastjóra hjá Landsbankanum t.h.

Dómnefnd um úthlutun samfélagsstyrkja var að þessu sinni skipuð þeim Andra Snæ Magnasyni, rithöfundi, Árelíu Eydísi Guðmundsdóttur dósent við Háskóla Íslands, Þórmundi Jónatanssyni, sérfræðingi hjá Landsbankanum og Guðrúnu Agnarsdóttur lækni, en hún var jafnframt formaður dómnefndar.

Samfélagsstyrkir Landsbankans eru mikilvægur þáttur í stuðningi bankans við samfélagið. Með þeim leggur Landsbankinn bæði einstaklingum, hópum og félagssamtökum lið við verkefni sem jafnan er sinnt af einlægni og ómetanlegum áhuga sem vert er að verðlauna.

Samfélagsstyrkir Landsbankans 

1.000.000 kr. styrkir

  • ABC barnahjálp – Kaup á lestrar- og vinnubókum fyrir þrettán skóla ABC barnahjálpar í Pakistan.
  • Borgar Magnason – Samantekt og úrvinnsla á höfundarverki Atla Heimis Sveinssonar tónskálds.

500.000 kr. styrkir

  • Blindrafélagið – Kaup á vefvörpum til að bæta aðgengi að upplýsingum og afþreyingu.
  • Davíð Stefánsson – Skapalón, efnismikið og meðfærilegt kennslugagn, ætlað kennurum í leik-  og grunnskóla sem vilja auka veg sköpunar og gagnrýninnar hugsunar í kennslu.
  • Ferskir vindar – Listahátíðin Ferskir vindar í Garði.
  • Félag um listasafn Samúels – Endurgerð húss Samúels Jónssonar í Selárdal.
  • Heimili og skóli – Fræðsla um örugga og jákvæða netnotkun barna með fyrirlestrum í 6. bekk.
  • Hjálparstarf kirkjunnar – Verkefnið Samvera og góðar minningar.
  • Markell ehf – Varðveisla frumheimilda um dægurtónlistarsögu Íslands.
  • Frystiklefinn á Rifi – Menningarstarfsemi í Frystiklefanum í Rifi á Snæfellsnesi.

250.000 kr. styrkir

  • AHC samtökin – Heimildamynd um sjúkdóminn AHC.
  • Annað líf – Kynning á málefnum tengdum líffæragjöfum og líffæraþegum.
  • Ása Berglind Hjálmarsdóttir – Tónleikar á dvalar- og hjúkrunarheimilum á Íslandi undir yfirskriftinni Nú verður glaumur og gaman.
  • Björg Guðrún Gísladóttir – Fyrirlestrar um börn sem búa við erfiðar heimilisaðstæður.
  • Blær – Útgáfa á veftímariti Blævi um menningu, listir og samfélagsmál.
  • Einhverfusamtökin – Stuðningshópar fyrir unglinga og fullorðna á einhverfurófi á höfuðborgarsvæðinu og Akureyri.
  • Eyrún María Rúnarsdóttir – Rannsókn á högum og aðlögun ungmenna af erlendum uppruna að íslensku samfélagi.
  • Freyr Jóhannesson – Útgáfa á sagnfræðiritinu Íslenskir einkagjaldmiðlar, fyrsta heildstæða ritinu um þennan hluta íslenska hagkerfisins.
  • Gunnar Theodór Eggertsson – Viðtöl við vitaverði sem enn starfa á Íslandi.
  • Heilsuheilræði ehf – Heilsufræðsla og forvarnarþjónusta fyrir fólk yfir sextugt.
  • Höndin – Hjálparstarf fyrir fólk í neyð vegna margvíslegra vandamála.
  • María Helga Guðmundsdóttir - Æfingabúðir fyrir stelpur til að vekja áhuga á spurningakeppninni Gettu betur.
  • Samhygð, samtök um sorg og sorgarviðbrögð á Norðurlandi eystra – Fræðslu- og stuðningsfundir vegna ástvinamissis.
  • Samþykkishópurinn – Námsstofur fyrir ungt fólk þar sem fjallað yrði á óformlegan en opinskáan hátt um samskipti, samþykki, mörk, heilbrigð sambönd og kynlíf.
  • Skjaldborg – Kvikmyndahátíð íslenskra heimildamynda á Patreksfirði.
  • Við og við – Leiklistarnámskeið og vinnustofur fyrir innflytjendur á Íslandi.

Landsbankinn óskar styrkhöfum til hamingju með styrkina og velfarnaðar í framtíðinni.

06. desember 2019 15:18

Umræðan: Birkir Rúnar Gunnarsson - „Aðgengismál ekki svartagaldur fyrir örfáa“

Tæknin sem gerir símanum okkar kleift að skilja mannsraddir og gefa tækjunum okkar raddir hefur gjörbreytt lífi fólks með fötlun. Birkir Rúnar Gunnarsson, sérfræðingur í aðgengismálum, segir tækifæri tækninnar óviðjafnanleg en að það skipti öllu máli að gera hlutina rétt.


Nánar

05. desember 2019 10:36

Hagsjá: Hlutdeildarlán – ný lausn í mótun hjá stjórnvöldum

Stjórnvöld hafa boðað frumvarp um hlutdeildarlán sem er ætlað að auðvelda tekju- og eignalitlum einstaklingum að eignast íbúð. Í umfjöllun Unu Jónsdóttur, hagfræðings, kemur m.a. fram að markhópurinn þurfi að vera vel skilgreindur og séð til þess að stuðningurinn fari ekki til annarra en hann er ætlaður.


Nánar

22. nóvember 2019 13:37

Ekki hægt að skipta 500 evru seðlum eftir 5. desember

Landsbankinn mun ekki taka við 500 evru seðlum frá og með 5. desember nk. en útgáfu 500 evru seðla hefur verið hætt. Áfram verður hægt að skipta 500 evru seðlum í bönkum á evrusvæðinu, samanber meðfylgjandi tilkynningu Seðlabanka Evrópu.


Nánar