Fréttir

12. júní 2014 16:10

Landsbankinn styrkir fimmtán framúrskarandi námsmenn

Fimmtán námsmenn fengu úthlutað námsstyrkjum úr Samfélagssjóði Landsbankans síðastliðinn þriðjudag. Styrkirnir voru nú veittir í tuttugasta og fimmta sinn. Heildarupphæð námsstyrkja nemur sex milljónum króna, sem er hæsta styrkveiting banka af þessu tagi á Íslandi. Alls bárust  um tæplega 900 umsóknir um styrkina.

Styrkþegar námsstyrkja Landsbankans 2014 eða fulltrúar þeirra ásamt Steinþóri Pálssyni bankastjóra Landsbankans og Runólfi Smára Steinþórssyni formanni dómnefndar námsstyrkja og prófessor við Háskóla Íslands.

Veittir eru styrkir í fimm flokkum til framhaldsskólanema, iðn- og verknema, háskólanema,til háskólanema í framhaldsnámi og listnema. Landsbankinn er eini bankinn sem veitir sérstaka listnámsstyrki.

Dómnefndin leitaðist við að velja metnaðarfulla, framúrskarandi námsmenn með framtíðarsýn sem nefndin taldi líklega til að auðga íslenskt samfélag í framtíðinni. Einnig var litið til annarra atriða við valið svo sem rannsókna og greinaskrifa, meðmæla, sjálfboðastarfa, afreka í íþróttum og þátttöku í félagsstarfi svo nokkuð sé nefnt.

Styrkþegar námsstyrkja Landsbankans 2014

Styrkir til framhaldsskólanáms – 200.000 kr. hver

  • Dagur Tómas Ásgeirsson – Menntaskólinn í Reykjavík
  • Guðrún Inga Guðbrandsdóttir – Menntaskólinn við Hamrahlíð
  • Helen Xinwei Chen – Menntaskólinn í Reykjavík

Styrkir til iðn- og verknáms – 400.000 kr. hver

  • Árdís Ösp Pétursdóttir – bílasprautun
  • Guðríður Hafsteinsdóttir – klæðskeranám
  • Kristina Petrosiuté – ljósmyndun

Styrkir til háskólanáms – 400.000 kr. hver

  • Birta Bæringsdóttir – læknisfræði við Háskóla Íslands
  • Hólmfríður Hannesdóttir – eðlisfræði við Háskóla Íslands
  • Tómas Arnar Guðmundsson – fjármálaverkfræði við Háskóla Íslands

Styrkir til framhaldsnáms á háskólastigi – 500.000 kr. hver

  • Birna Þórisdóttir – doktorsnám í næringarfræði við Háskóla Íslands
  • Elvar Karl Bjarkason – jarðhitaverkfræði á Nýja Sjálandi
  • Tinna Pálmadóttir – meistaranám í prótínvísindum við Háskólann í Lundi

Styrkir til listnáms – 500.000 kr. hver

  • Baldvin Oddsson – trompetleikur
  • Halldór Smárason – tónsmíðar
  • Sigursteinn Gunnarsson – leikjahönnun

Landsbankinn veitir á hverju ári nærri 50 milljónir króna úr samfélagssjóði bankans til námsmanna, samfélagsmála, nýsköpunar og umhverfismála.

Í dómnefnd sátu: Runólfur Smári Steinþórsson prófessor við Háskóla Íslands, Elín Jónsdóttir stjórnarformaður TM, Guðrún Norðfjörð viðskiptastjóri hjá Íslensku auglýsingastofunni, Baldur G. Jónsson mannauðsstjóri Landsbankans og Þórmundur Jónatansson í markaðsdeild Landsbankans.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar