Fréttir

23. maí 2014 16:14

Ellefu starfsmenn fá vottun fjármálaráðgjafa

Ellefu starfsmenn Landsbankans útskrifuðust þann 22. maí 2014 með vottun sem fjármálaráðgjafar og hafa þá alls 36 starfsmenn bankans fengið vottun á síðustu árum.

Efsta röð frá vinstri: Helgi Teitur Helgason (framkvæmdastjóri Einstaklingssviðs), Sara Birgisdóttir (Borgartún), Arnfinnur Daníelsson (Vesturbær) og Bergþór Bjarnason (Húsavík).

Miðröð: Ingunn Þóra Jóhannesdóttir (Akranes), Arnar Páll Guðmundsson (Egilsstaðir), Hannes M. Ellertsson (Akranes), Konráð G. Guðlaugsson (Vesturbær) og Steinþór Pálsson (bankastjóri Landsbankans).

Fremsta röð: Anna Kristín Birgisdóttir (Vesturbær), Íris Ösp Ólafsdóttir (Hafnarfjörður), Elísa Baldursdóttir (Sandgerði), Inga Á. Karlsdóttir (Akureyri.

Tilgangur vottunarinnar er að auka fagmennsku og þekkingu starfsmanna íslenskra fjármálafyrirtækja sem starfa við að veita viðskiptavinum fjármálarágjöf. Til að hljóta vottun þarf að standast próf í grundvallarþáttum fjármálaráðgjafar einstaklinga auk þess sem boðið er upp á  170 klst. nám til undirbúnings. Vottunarnámið er samstarfsverkefni Samtaka fjármálafyrirtækja, Samtaka starfsmanna fjármálafyrirtækja, Háskólans í Reykjavík, Háskóla Íslands, Háskólans á Bifröst og Efnahags- og viðskiptaráðuneytisins.

Við óskum nýútskrifuðum fjármálaráðgjöfum til hamingju með áfangann.

Nánari upplýsingar um vottun fjármálaráðgjafa á vef SFF

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

24. febrúar 2020 08:37

Hagsjá: Minnstu launabreytingar í níu ár - en kaupmáttur enn á uppleið

Þrátt fyrir mun minni launabreytingar en á síðustu árum er kaupmáttur enn að aukast. Kaupmáttur launa var þannig 3,2% meiri nú í janúar en í janúar í fyrra. Árið í fyrra var níunda árið í röð sem kaupmáttur launa jókst frá fyrra ári. Kaupmáttur dróst saman árin 2008-2010 en hafði aukist á hverju ári í 13 ár þar á undan.


Nánar

24. febrúar 2020 08:20

Vikubyrjun 24. febrúar 2020

Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi síðasta árs benda hins vegar til þess að nokkur aukning hafi orðið á einkaneyslu á þeim fjórðungi.


Nánar