Fréttir

12. mars 2014 15:38

Landsbankinn stækkar flokk sértryggðra skuldabréfa

Landsbankinn lauk í dag sölu á LBANK CB 16, óverðtryggðum flokki sértryggðra skuldabréfa sem skráður er á Nasdaq OMX Iceland. Útgáfan var stækkuð um 1.500.000.000 kr. á ávöxtunarkröfunni 6,40%. Áður hefur Landsbankinn gefið út 1.920.000.000 kr. í sama flokki og nemur því heildarstærð flokksins 3.420.000.000 kr.

Stefnt er að því að bréfin verði tekin til viðskipta á Nasdaq OMX Iceland þann 18. mars 2014 en Straumur fjárfestingabanki sinnir viðskiptavakt.

Sértryggðu skuldabréfin eru gefin út með leyfi frá Fjármálaeftirlitinu með vísan í lög nr. 11/2008 og Reglur nr. 528/2008. Nánari upplýsingar um skuldabréfin og tryggingasafnið má finna á vefsvæði bankans, www.landsbankinn.is/sertryggd-skuldabref.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

24. febrúar 2020 08:37

Hagsjá: Minnstu launabreytingar í níu ár - en kaupmáttur enn á uppleið

Þrátt fyrir mun minni launabreytingar en á síðustu árum er kaupmáttur enn að aukast. Kaupmáttur launa var þannig 3,2% meiri nú í janúar en í janúar í fyrra. Árið í fyrra var níunda árið í röð sem kaupmáttur launa jókst frá fyrra ári. Kaupmáttur dróst saman árin 2008-2010 en hafði aukist á hverju ári í 13 ár þar á undan.


Nánar

24. febrúar 2020 08:20

Vikubyrjun 24. febrúar 2020

Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi síðasta árs benda hins vegar til þess að nokkur aukning hafi orðið á einkaneyslu á þeim fjórðungi.


Nánar