Fréttir

07. nóvember 2013 13:03

Nítján nýsköpunarverkefni fá 15 milljónir

Landsbankinn hefur úthlutað 15 milljónum króna í nýsköpunarstyrki til nítján verkefna úr Samfélagssjóði Landsbankans. Nýsköpunarstyrkjum bankans er ætlað að styðja við frumkvöðla til að þróa nýjar viðskiptahugmyndir, nýta eldri viðskiptahugmynd á nýju markaðssvæði eða skapa nýja vöru. Styrkirnir eru jafnframt ætlaðir til kaupa á efni, tækjum eða sérfræðiþjónustu vegna nýsköpunar eða til að sækja námskeið sem nýst geta í starfi.

„Landsbankinn vill styðja við uppbyggingu og þróun frumkvöðlastarfs. Markmið bankans er að vera hreyfiafli og er það von okkar að styrkirnir sem við úthlutuðum til margra áhugaverðra verkefna eigi eftir að skila sér margfalt til samfélagsins," segir Steinþór Pálsson bankastjóri.

Í dómnefnd voru Rögnvaldur Jóhann Sæmundsson verkfræðingur hjá Össuri og dósent við HR, Finnur Sveinsson, sérfræðingur í samfélagslegri ábyrgð hjá Landsbankanum, Guðný Erla Guðnadóttir, útibússtjóri Landsbankans á Hornafirði, og Óli Halldórsson, forstöðumaður Þekkingarseturs Þingeyinga, en hann var jafnframt formaður dómnefndar. Yfir 270 umsóknir bárust um nýsköpunarstyrki Landsbankans að þessu sinni.

Nýsköpunarstyrkir – yfirlit

Eftirtaldir hlutu nýsköpunarstyrki að þessu sinni og óskar Landsbankinn þeim til hamingju og velfarnaðar með verkefni sín í framtíðinni.

Styrkir að fjárhæð 2.000.000 kr.

  • Rögg ehf.  – Leitarkerfi fyrir GSM

Styrkir að fjárhæð 1.500.000 kr.

  • Multitask ehf. – Sjókall – Öryggi þitt á sjó
  • Pink Iceland – Ísland, áfangastaður fyrir hinsegin brúðkaup 

Styrkir að fjárhæð 1.000.000 kr.

  • Anna Þóra Ísfold – Ullarvörur til heilsubótar
  • ApOn slf. – Notendavæn smáforrit fyrir útgefendur efnis
  • Kasy ehf. – Sundfatnaður fyrir konur með línur
  • Scintilla – Heimilistextíll á heimsvísu

Styrkir að fjárhæð 500.000 kr.

  • Búngaló ehf. – Búngaló á alþjóðamarkað
  • Herberia ehf. – framleiðsla á lyfjum úr virkum plöntuefnum.
  • Liubov Kharitonova – Svarti sauðurinn / Black Sheep
  • Magnús Ásgeir Elíasson – Húsdýragarður á Stóru-Ásgeirsá
  • Mat-húsið – Humarbollur úr klóm humars
  • Óli Hilmar Briem Jónsson – Íslenskir eldkubbar
  • Reykjavik Labs ehf. – Fish – Snjallsímaforrit fyrir stangveiðimenn
  • S.jens ehf. – Spilalist – listin að læra
  • Sólveig Katrín Jónsdóttir – Leigutorg á samfélagsmiðlum
  • Svavar Pétur Eysteinsson – Rófusnakk 
  • Tinna Ólafsdóttir – Ræktun fóðurskordýra á iðnaðarskala
  • Zalibuna – Sleðarennibraut við Þjóðveg 1

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar