Fréttir

31. desember 2012 09:29

Tíu milljónum króna úthlutað í samfélagsstyrki

45 milljónum króna veitt úr Samfélagssjóði Landsbankans árið 2012

Landsbankinn veitti tíu milljónir króna í samfélagsstyrki úr Samfélagssjóði bankans síðastliðinn föstudag. Veittir voru tuttugu styrkir, fimm að upphæð 1 milljón króna hver, fimm að fjárhæð 500 þúsund krónur og tíu að fjárhæð 250 þúsund krónur. 350 umsóknir um samfélagsstyrki bárust sjóðnum að þessu sinni.

Samfélagsstyrkjum er einkum ætlað að styðja við þá sem sinna mannúðar- og líknarmálum, menntamálum, rannsóknum og vísindum, verkefnum á sviðum menningar og lista, forvarnar- og æskulýðsstarfi og sértækri útgáfustarfsemi.

Á árinu 2012 úthlutaði Landsbankinn 45 milljónum króna úr Samfélagssjóði. Veittir voru afreksstyrkir, námsstyrkir, nýsköpunarstyrkir, samfélagsstyrkir og umhverfisstyrkir. Dómnefnd um úthlutun samfélagsstyrkja var að þessu sinni skipuð þeim Andra Snæ Magnasyni, rithöfundi, Árelíu Eydísi Guðmundsdóttur dósent við Háskóla Íslands og Guðrúnu Agnarsdóttur lækni, en hún var jafnframt formaður nefndarinnar.

Samfélagsstyrkir Landsbankans eru mikilvægur þáttur í stuðningi bankans við samfélagið. Með þeim leggur Landsbankinn bæði einstaklingum, hópum og félagssamtökum lið við verkefni sem jafnan er sinnt af einlægni og ómetanlegum áhuga sem vert er að verðlauna.

Eftirtaldir hlutu samfélagsstyrki að þessu sinni:

1.000.000 kr. styrkir

  • Hjálparsveit skáta í Garðabæ – Þjálfun á sérhæfðum rústabjörgunarhundum
  • Mæðrastyrksnefnd Reykjavíkur – Menntunarsjóður Mæðrastyrksnefndar
  • Sequences-myndlistarhátíð – Sequences 6
  • Stofnun Árna Magnússonar í íslenskum fræðum – Handritin í skólana á landsbyggðinni
  • Unnur Anna Valdimarsdóttir – Heilsusögubanki Íslendinga

500.000 kr. styrkir

  • Bandalag íslenskra leikfélaga – Rafræn varðveisla og skráning á leikritasafni
  • María Reyndal og Styrmir Sigurðsson – Mæri
  • Möguleikhúsið – Leikhús fyrir börn og unglinga
  • Rannsóknasetur Háskóla Íslands á Vestfjörðum – Póstskipið Phønix
  • Þórey Mjallhvít Heiðar- og Ómarsdóttir – Ketilríður: Íslenskar þjóðsögur í stafrænum heimi

250.000 kr. styrkir

  • Ástráður - forvarnarstarf læknanema – Forvarnarstarf læknanema
  • Berent Karl Hafsteinsson – Fyrirlestrar um umferðaforvarnir
  • Félag heyrnarlausra – Félagsstarf fyrir ungmenni og eldri borgara
  • Jóhannes Kr. Kristjánsson – Bókin um Sissu
  • Konráð Gylfason/KAM ehf. – Sagnadans
  • Kammerkór Suðurlands – Ný íslensk tónskáld
  • KFUM & KFUK – Gauraflokkur í Vatnaskógi og Stelpur í Stuði í Kaldárseli
  • Nordpaa/Norður – FANTASTAR
  • Stærðfræðikeppni framhaldsskólanema – Stærðfræðikeppni framhaldsskólanna
  • Víðsýni – Víðsýni - Nýr fjölmiðill

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar