Fréttir

03. nóvember 2012 09:50

Landsbankinn tekur upp næstu kynslóð í netöryggi á þriðjudag

Nýtt öryggiskerfi Landsbankans fyrir netbanka einstaklinga verður tekið í notkun á þriðjudagsmorgun. Kerfið hámarkar öryggi viðskiptavina og gerir auðkennislykla óþarfa. Þægindi við notkun netbankans aukast og dregið er enn frekar úr líkum á fjársvikum og annarri misnotkun.

Aukið öryggi

Öryggiskerfið ber saman aðgerðir og aðstæður hvers viðskiptavinar við fyrri notkun. Að öllu jöfnu finnur viðskiptavinur ekki fyrir kerfinu en það bregst við ef frávik verða frá hefðbundinni notkun. Þannig er betur hægt að hámarka öryggi í netbankanum.

Auðkennislykillinn óþarfur

Í nýju öryggiskerfi Landsbankans er auðkennislykillinn óþarfur. Í staðinn kemur öryggiskerfi sem er notað hjá ýmsum stærstu bönkum heims. Landsbankinn er þó fyrsti bankinn á Norðurlöndum til að innleiða kerfið.

Einföld breyting

Breytingin sjálf er afar einföld en allar frekari upplýsingar og leiðbeiningar verða aðgengilegar á landsbankinn.is og á farsímavefnum L.is. Ráðgjafar í Þjónustuveri Landsbankans eru einnig til taks ef spurningar vakna.

26. maí 2020 16:44

Afgreiðslan í Bolungarvík sameinast útibúinu á Ísafirði

Afgreiðsla Landsbankans í Bolungarvík mun sameinast útibúinu á Ísafirði þann 1. júlí næstkomandi. Landsbankinn hefur frá árinu 2015 rekið afgreiðslu í Ráðhúsi Bolungarvíkur en samhliða aukinni notkun á stafrænni þjónustu hefur eftirspurn eftir gjaldkeraþjónustu minnkað mikið.


Nánar

26. maí 2020 07:47

Hagsjá: Mikil hækkun launavísitölu í apríl – opinberi markaðurinn kominn inn aftur

Samkvæmt tölum Hagstofu Íslands hækkaði launavísitalan um 3,3% milli mars og apríl. Síðustu 12 mánuði hefur launavísitalan hækkað um 6,8%, sem er mun meiri ársbreyting en verið hefur síðustu mánuði. Þar sem verðbólga hefur verið lítil þýða þessar miklu launabreytingar að kaupmáttur tók stökk upp á við. Kaupmáttur launa jókst þannig um 2,8% milli mars og apríl og var 4,5% meiri nú í apríl en í apríl í fyrra. Sú staða er reyndar mjög athyglisverð í ljósi þess að hallað hefur verulega undan fæti í efnahagslífinu.


Nánar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

Skráðu þig á póstlista