Fréttir

14. ágúst 2012 15:53

Landsbankinn veitir 10 milljónir í samfélagsstyrki

Landsbankinn veitti í dag samfélagsstyrki að upphæð tíu milljónir króna úr Samfélagssjóði bankans. Veittir voru tuttugu styrkir, fimm að upphæð 1 milljón króna hver, fimm að fjárhæð 500 þúsund krónur og tíu að fjárhæð 250 þúsund krónur. Alls bárust tæplega 500 umsóknir um samfélagsstyrki að þessu sinni.

Samfélagsstyrkjum er ætlað að styðja við þá sem sinna t.d. mannúðar- og líknarmálum, menntamálum, rannsóknum og vísindum, verkefnum á sviðum menningar og lista, forvörnum- og æskulýðsstarfi og sértækri útgáfustarfsemi.

Úr Samfélagssjóði Landsbankans eru veittar fimm tegundir styrkja á hverju ári: afreksstyrkirnámsstyrkirnýsköpunar- og sprotastyrkirsamfélagsstyrkir og umhverfisstyrkir. Samfélagsstyrkir eru veittir tvisvar á ári en umsóknarfrestur fyrir seinni úthlutun rennur út 22. október 2012.

Dómnefnd um úthlutun samfélagsstyrkja að þessu sinni var skipuð þeim Andra Snæ Magnasyni, rithöfundi, Árelíu Eydísi Guðmundsdóttur dósent við Háskóla Íslands og Guðrúnu Agnarsdóttur lækni, en hún var jafnframt formaður dómnefndar.

Steinþór Pálsson bankastjóri: „Samfélagsstyrkir Landsbankans eru mikilvægur þáttur í stuðningi bankans við samfélagið. Með þeim leggur Landsbankinn bæði einstaklingum, hópum og félagssamtökum lið við verkefni sem jafnan er sinnt af einlægni og ómetanlegum áhuga sem vert er að verðlauna. Að þessu sinni styrkjum við tuttugu vegleg verkefni sem hvert og eitt er mikilvægt á sínu sviði og við vonum að framlag bankans nýtist styrkþegum vel.“

Guðrún Agnarsdóttir formaður dómnefndar: „Sá mikli fjöldi áhugaverðra umsókna sem bárust að þessu sinni ber vitni um óeigingjarnt starf margra að fjölbreyttum, uppbyggilegum verkefnum. Það er mikilvægt að fjármálastofnanir láti samfélagið njóta góðs af velgengni sinni og stuðli þannig að því að bæta það og styrkja. Það var mikill vandi að velja milli svo margra góðra umsókna en ánægjulegt að geta lagt mörgum góðum málefnum lið.“

Eftirtaldir hlutu samfélagsstyrki að þessu sinni:

1.000.000 kr. styrkir

  • Ástríður Pálsdóttir – Rannsókn á arfgengri heilablæðingu
  • Félag lesblindra á Íslandi – Kynning í skólum á úrræðum fyrir lestrarerfiðleika
  • LungA, Listahátíð ungs fólks á Austurlandi
  • Saga forlag ehf. – Heildarútgáfa Íslendingasagna og þátta á dönsku, norsku og sænsku
  • Stígamót – Stígamót á staðinn

500.000 kr. styrkir

  • Alberto Porro Carmona – Listin að leika, kennslubók í flautuleik
  • Drífa Jenný Helgadóttir – Stýrifærni barna með ADHD
  • Júlíkvartettinn – Tónleikaröðin „Sólskin í tónum“
  • Rósa Eggertsdóttir og Rúnar Sigþórsson – Rannsókn á byrjendalæsi
  • Systkinasmiðjan – Námskeið fyrir systkini einstaklinga með sérþarfir

250.000 kr. styrkir

  • Barokksmiðja Hólastiftis – Barokkhátíð á Hólum
  • Eyðibýli, áhugamannafélag – Rannsókn á eyðibýlum á Íslandi
  • Eyktarmörk – Óbyggðasafn Íslands
  • Fornleifastofnun Íslands – Verkefnið Ferðamenn og fornleifar við þjóðveg 1
  • Jón Skúli Traustason – Frístundaefling fyrir unga fíkla
  • Margrét Árnadóttir – Stærðfræðispilið „Leikum og reiknum“
  • Ný dögun – Stuðningshópar vegna sjálfsvíga
  • Rauði krossinn í Hafnarfirði – Félagsstarf fyrir hælisleitendur
  • Sigrún Daníelsdóttir – Námskeið um bætta líkamsmynd unglinga í framhaldsskólum
  • Sölvi Tryggvason – Heimildarþættir um forvarnir fyrir ungt fólk

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar