Fréttir

30. maí 2011 10:26

Landsbankinn styrkir sextán framúrskarandi námsmenn

Námsstyrkir afhentir

Styrkþegar námsstyrkja Landsbankans ásamt Steinþóri Pálssyni, bankastjóra Landsbankans, og Gunnari Helga Hálfdanarsyni, formanni bankaráðs Landsbankans.

Sextán námsmenn hafa fengið úthlutað námsstyrk frá Landsbankanum en styrkirnir eru nú veittir í 22. sinn. Aldrei hafa borist eins margar umsóknir og í ár eða rétt um 1000 umsóknir bárust um styrkina, sem eru á bilinu 200 – 400 þúsund krónur.

Í ár var ákveðið að fjölga og hækka námsstyrkina. Námsstyrkir Landsbankans nema rúmlega fimm milljónum króna, sem eru hæstu styrkveitingar banka af þessu tagi á Íslandi. Veittir eru styrkir í fjórum flokkum; til framhaldsskóla- og iðnnema, háskólanema, háskólanema á framhaldsstigi og listnema. Landsbankinn er eini bankinn sem veitir sérstaka listnámsstyrki.

Dómnefndin leitaðist við að velja framúrskarandi námsmenn með mikinn metnað og framtíðarsýn sem nefndin taldi líklega til að auðga íslenskt samfélag í framtíðinni. Einnig var litið til annarra atriða við valið svo sem rannsókna og greinaskrifa, meðmæla, sjálfboðastarfa, afreka í íþróttum og þátttöku í félagsmálum svo nokkuð sé nefnt.

Styrkþegar námsstyrkja árið 2011

Styrkir til framhaldsskóla- og iðnnáms - 200.000 kr. hver

  • Agnes Eva Þórarinsdóttir
  • Eva Dögg Hrundardóttir
  • Marta Sigrún Jóhannsdóttir
  • Ólöf Sunna Gautadóttir

Styrkir til háskólanáms - 350.000 kr. hver

  • Eyjólfur Guðmundsson
  • Guðmundur Bragi Árnason
  • Helga Kristín Ólafsdóttir
  • Sigurrós Jónsdóttir

Styrkir til háskólanáms á framhaldsstigi - 400.000 kr. hver

  • Arna Varðardóttir
  • Nanna Einarsdóttir
  • Sigríður Þóra Eiðsdóttir
  • Sverrir Ingi Gunnarsson

Styrkir til listnáms - 400.000 kr. hver

  • Andri Björn Róbertsson
  • Erna Einarsdóttir
  • Hlynur Pálmason
  • Þórunn Árnadóttir

Í dómnefnd sátu Steinþór Pálsson bankastjóri Landsbankans, Rannveig Rist forstjóri Rio Tinto Alcan á Íslandi, Runólfur Smári Steinþórsson forstöðumaður MBA náms við Háskóla Íslands, Kolbrún Halldórsdóttir forseti Bandalags íslenskra listamanna, Baldur G. Jónsson mannauðsstjóri Landsbankans og Elínborg V. Kvaran markaðsstjóri.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar