Fréttir og útgáfuefni

- Fréttir og tilkynningar

Húsasmiðjan sett í söluferli

Framtakssjóður Íslands slhf. (FSÍ), sem er eigandi alls hlutafjár í Húsasmiðjunni, hyggst selja fyrirtækið og hefur falið Fyrirtækjaráðgjöf Landsbankans að annast söluna. Óskað er eftir óskuldbindandi tilboðum fyrir 29. september. Auglýsing þessa efnis var birt í dagblöðum í morgun, 23. ágúst 2011.

Ætlun FSÍ er að selja allan eignarhlut sinn en þó kemur til álita að sjóðurinn haldi eftir hlut og stofni til samstarfs við nýja hluthafa. Verkefnið er opið öllum áhugasömum fjárfestum sem standast hæfismat. Fjárfestar sem uppfylla skilyrði fá afhent kynningargögn um félagið, á grundvelli trúnaðaryfirlýsingar. Seljandi áskilur sér þó rétt til þess að takmarka aðgang, m.a. í þeim tilvikum þegar fyrir hendi eru lagalegar takmarkanir á því að aðili eignist ráðandi hlut í félaginu, til dæmis vegna samkeppnisreglna.

Húsasmiðjan var stofnuð árið 1956 og er eitt af stærstu þjónustu- og verslunarfyrirtækjum á Íslandi. Húsasmiðjan er leiðandi fyrirtæki í sölu á byggingavörum og starfrækir 16 verslanir undir eigin nafni um allt land. Að auki rekur fyrirtækið 9 verslanir undir merkjum BlómavalsÍskrafts og heildverslunar HGG.

Seljandi áskilur sér rétt til að hafna öllum tilboðum, breyta söluferlinu og/eða stöðva það eftir atvikum. Öllum þátttakendum verður tilkynnt um slíka ákvörðun og rökstuðning fyrir henni.

Fyrirspurnir um söluferlið og þátttöku skal senda á tölvupóstfangið husasmidjan@landsbankinn.is.

Trúnaðaryfirlýsing

Upplýsingaeyðublað um fjárfesti