Fréttir og útgáfuefni

- Fjárfestatengsl

Ársskýrsla og áhættuskýrsla Landsbankans 2019 komnar á vefinn

Ársskýrsla Landsbankans fyrir árið 2019 er nú aðgengileg á vef bankans. Þar er fjallað með aðgengilegum hætti um helstu þætti í rekstri bankans á árinu 2019.

Í skýrslunni er m.a. fjallað um þjónustu Landsbankans við einstaklinga og fyrirtæki, nýjungar í stafrænni þjónustu, samfélagsábyrgð og mannauðs- og jafnréttismál. Þar er einnig umfjöllun um stefnu og stjórnarhætti auk þess sem fjallað er um helstu atriði ársreiknings, fjármögnun bankans og áhættustjórnun.

Ársskýrsla Landsbankans hefur verið gefin út á rafrænu formi eingöngu frá árinu 2015. Markmiðið með rafrænni útgáfu er að auka gagnsæi og auðvelda almenningi og öðrum hagsmunaaðilum að kynna sér rekstur og starfshætti bankans. Aukinheldur er útgáfukostnaður lægri og útgáfan umhverfisvænni.

Áhættuskýrsla Landsbankans fyrir árið 2019 kom einnig út í dag. Í skýrslunni er gerð ítarleg grein fyrir öllum þáttum áhættustjórnunar bankans og er skýrslunni ætlað að veita markaðsaðilum upplýsingar um áhættu- og eiginfjárstýringu bankans, eiginfjárstöðu hans og lausafjárstöðu.

Ársskýrsla Landsbankans fyrir árið 2019

Áhættuskýrsla Landsbankans fyrir árið 2019

Fjárfestatengsl - 23. mars 2020 18:58

Tilkynning um frestun aðalfundar Landsbankans

Á fundi bankaráðs Landsbankans hf. þann 23. mars 2020 var ákveðið að fresta um óákveðinn tíma aðalfundi bankans, sem vera átti föstudaginn 27. mars 2020, í ljósi þeirra aðstæðna sem nú ríkja vegna útbreiðslu covid-19 veirunnar.


Nánar

Fjárfestatengsl - 13. mars 2020 15:58

Ákvörðun um greiðslu arðs verði frestað til framhaldsaðalfundar

Bankaráð Landsbankans mun á aðalfundi 27. mars nk. leggja til að ákvörðun um greiðslu arðs vegna reikningsársins 2019 verði frestað til framhaldsaðalfundar sem haldinn verði innan tveggja mánaða frá aðalfundi.


Nánar

Fjárfestatengsl - 05. mars 2020 13:43

Aðalfundur Landsbankans 2020

Aðalfundur Landsbankans hf. verður haldinn föstudaginn 27. mars 2020 kl. 14.00 í Silfurbergi í Hörpu í Reykjavík.


Nánar