Fréttir og útgáfuefni

- Fjárfestatengsl

Áætlun Landsbankans hf. um fjármögnun á markaði árið 2019

Landsbankinn hefur birt áætlun um fjármögnun á markaði fyrir árið 2019.

Stefnt er að mánaðarlegum útboðum sértryggðra skuldabréfa sem tilkynnt verða í fréttaveitu Nasdaq Iceland tveimur viðskiptadögum á undan fyrirhuguðu útboði. Áætlað er að gefa út sértryggð skuldabréf fyrir 35-40 ma.kr. á árinu. Áætlunin gerir ráð fyrir að nafnverð útgefinna sértryggðra skuldabréfa nemi 123-128 ma.kr. í árslok 2019 en einn flokkur sértryggðra skuldabréfa er á gjalddaga á árinu, LBANK CB 19.

Ekki er gert ráð fyrir reglulegum víxlaútboðum á árinu en ákvörðun um útboð ræðst af markaðsaðstæðum hverju sinni. Heildarfjárhæð víxlaútgáfu á árinu mun ráðast af markaðsaðstæðum.

Landsbankinn áskilur sér rétt til þess að gera breytingar á útgáfuáætlun ársins 2019 án fyrirvara eða sérstakrar tilkynningar þar um.

Nánar um útgáfuáætlunina


Forsíða - 30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Forsíða - 21. júlí 2020 12:54

Landsbankinn besti banki á Íslandi að mati Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi og er þetta annað árið í röð sem bankinn hlýtur þessa viðurkenningu. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar