Fréttir og útgáfuefni

- Fjárfestatengsl

Hættir í bankaráði Landsbankans hf.

Samúel Guðmundsson hefur sagt sig úr bankaráði Landsbankans. Samúel var kjörinn varamaður í bankaráð á hluthafafundi í apríl 2016 og aðalmaður í mars 2018.

Helga Björk Eiríksdóttir, formaður bankaráðs, segir: „Samúel átti hlut í rekstrarfélagi veitingahúss sem lenti í rekstrarerfiðleikum. Hann taldi rétt við þessar aðstæður að segja sig úr bankaráði, enda gæti áframhaldandi seta hans orkað tvímælis og dregið úr trausti til bankaráðs og Landsbankans. Ég virði þessa ákvörðun, óska honum velfarnaðar og þakka honum fyrir gott samstarf undanfarin ár.“

Fjárfestatengsl - 24. október 2019 16:04

Uppgjör Landsbankans fyrir fyrstu níu mánuði ársins 2019

Afkoma Landsbankans var jákvæð um 14,4 milljarða króna eftir skatta á fyrstu níu mánuðum ársins 2019 samanborið við 15,4 milljarða króna hagnað á sama tímabili árið 2018. Arðsemi eigin fjár á tímabilinu var 7,9% á ársgrundvelli samanborið við 8,8% á sama tímabili 2018.


Nánar

Fjárfestatengsl - 25. júlí 2019 16:03

Uppgjör Landsbankans fyrir fyrri helming ársins 2019

Afkoma Landsbankans var jákvæð um 11,1 milljarð króna eftir skatta á fyrri helmingi ársins 2019 saman­borið við 11,6 milljarða króna hagnað á sama tímabili árið 2018. Arðsemi eigin fjár á tímabilinu var 9,1% á árs­grundvelli, samanborið við 9,9% á sama tímabili 2018. Laun og launatengd gjöld lækkuðu um 2% á milli tímabila.


Nánar

Fjárfestatengsl - 23. júlí 2019 18:23

S&P staðfestir óbreytta lánshæfiseinkunn en breytir horfum úr stöðugum í neikvæðar

Alþjóðlega lánshæfismatsfyrirtækið S&P Global Ratings staðfesti þann 23. júlí 2019 óbreytta lánshæfiseinkunn Landsbankans fyrir skuldbindingar til lengri og skemmri tíma (BBB+/A-2) en breytti horfum úr stöðugum í neikvæðar.


Nánar