Fréttir og útgáfuefni

- Fjárfestatengsl

Ársskýrsla Landsbankans 2017 aðgengileg á vefnum


Ársskýrsla Landsbankans fyrir árið 2017 er nú aðgengileg á ársskýrsluvef bankans. Í ársskýrslunni er fjallað um helstu þætti í rekstri Landsbankans á árinu 2017.

Markaðshlutdeild Landsbankans hélt áfram að aukast á árinu 2017 og fjórða árið í röð var bankinn með mestu markaðshlutdeild á einstaklingsmarkaði. Kannanir sýndu aukna ánægju viðskiptavina með þjónustu bankans og vaxandi traust. Rekstur bankans gekk vel. Hagnaður Landsbankans á árinu 2017 nam 19,8 milljörðum króna eftir skatta, samanborið við 16,6 milljarða króna árið 2016. Arðsemi eiginfjár eftir skatta á árinu 2017 var 8,2%. Tekjur jukust umtalsvert en kostnaður í krónum talið stóð nánast í stað.

Lestu ársskýrslu Landsbankans 2017

Aðgengileg umfjöllun um starfsemi bankans

Í ársskýrslunni er m.a. fjallað um nýjar áherslur í stefnu bankans, þróun í bankastarfsemi og þjónustu, ábyrgar fjárfestingar, samfélagsábyrgð, mannauðs- og jafnréttismál, margvíslegan stuðning bankans við samfélagið og fjölbreytt samstarf, að ógleymdri umfjöllun um fjármál og áhættustjórnun.

Tillaga um 15,4 milljarða króna arð

Í ávarpi formanns bankaráðs kemur m.a. fram að bankaráð mun leggja til við aðalfund bankans að greiddur verði 15,4 milljarða króna arður vegna rekstrarársins 2017, sem er um 78% af hagnaði þess árs.  

Markmiðið með rafrænni útgáfu ársskýrslunnar er að auka gagnsæi og auðvelda almenningi og öðrum hagsmunaaðilum að kynna sér rekstur og starfshætti bankans. Útgáfukostnaður er lægri og útgáfan umhverfisvænni.

Lestu ársskýrslu Landsbankans 2017

Landsbankinn - 06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

Fjárfestatengsl - 19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar

Fjárfestatengsl - 12. febrúar 2020 15:54

Skuldabréfaútgáfa í evrum

Landsbankinn lauk í dag sölu á nýjum 4,25 ára skuldabréfaflokki að fjárhæð 300 milljónir evra með lokagjalddaga í maí 2024 og bera skuldabréfin fasta 0,50% vexti. Skuldabréfin voru seld á kjörum sem jafngilda 83 punkta álagi á miðgildi vaxtatilboða í vaxtaskiptasamningum á markaði.


Nánar