Fréttir og útgáfuefni

- Fjárfestatengsl

S&P hækkar lánshæfiseinkunn Landsbankans í BBB+/A-2 með stöðugum horfum

Alþjóðlega matsfyrirtækið S&P Global Ratings hefur hækkað lánshæfiseinkunn Landsbankans úr BBB/A-2 í BBB+/A-2 og telur horfurnar stöðugar. Þetta kemur fram í tilkynningu fyrirtækisins um lánshæfi Landsbankans sem birt var 25. október 2017.

Í fréttatilkynningu S&P kemur fram að hagvöxtur á Íslandi sé kröftugur, styrkleiki efnahagslífsins hafi aukist og dregið hafi úr skuldsetningu einkageirans en að auknar áhyggjur af efnahagslegu ójafnvægi vegi að hluta til upp á móti þessum þáttum. Ennfremur segir að hækkun lánshæfismats Landsbankans endurspegli sterka fjárhagsstöðu bankans sem S&P telur að muni ekki breytast, jafnvel þótt bankinn vinni áfram að því að ná fram hagstæðari fjármagnsskipan. Því telji S&P rétt að hækka lánshæfismat bankans í BBB+ til langs tíma og staðfesta A-2 lánshæfismat til skamms tíma. Mat um að horfurnar séu stöðugar endurspegli væntingar S&P um hagstæða þróun efnahagsmála á Íslandi og að fjárhagsstaða Landsbankans haldist áfram mjög sterk.

Lilja Björk Einarsdóttir, bankastjóri Landsbankans, segir: „Hærra mat S&P á lánshæfi Landsbankans er til marks um sterka stöðu bankans og íslensks efnahagslífs og er í takti við væntingar bankans. Lánshæfiseinkunn Landsbankans hjá S&P hefur nú hækkað um þrjú þrep á þremur árum. Hærra lánshæfismat hefur, ásamt öðru, leitt til þess að kjör og aðgengi bankans að fjármögnun erlendis hefur batnað umtalsvert á undanförnum árum.“

Skýrslur og tilkynningar S&P eru aðgengilegar á vef Landsbankans

 

Fjárfestatengsl - 24. október 2019 16:04

Uppgjör Landsbankans fyrir fyrstu níu mánuði ársins 2019

Afkoma Landsbankans var jákvæð um 14,4 milljarða króna eftir skatta á fyrstu níu mánuðum ársins 2019 samanborið við 15,4 milljarða króna hagnað á sama tímabili árið 2018. Arðsemi eigin fjár á tímabilinu var 7,9% á ársgrundvelli samanborið við 8,8% á sama tímabili 2018.


Nánar

Fjárfestatengsl - 25. júlí 2019 16:03

Uppgjör Landsbankans fyrir fyrri helming ársins 2019

Afkoma Landsbankans var jákvæð um 11,1 milljarð króna eftir skatta á fyrri helmingi ársins 2019 saman­borið við 11,6 milljarða króna hagnað á sama tímabili árið 2018. Arðsemi eigin fjár á tímabilinu var 9,1% á árs­grundvelli, samanborið við 9,9% á sama tímabili 2018. Laun og launatengd gjöld lækkuðu um 2% á milli tímabila.


Nánar

Fjárfestatengsl - 23. júlí 2019 18:23

S&P staðfestir óbreytta lánshæfiseinkunn en breytir horfum úr stöðugum í neikvæðar

Alþjóðlega lánshæfismatsfyrirtækið S&P Global Ratings staðfesti þann 23. júlí 2019 óbreytta lánshæfiseinkunn Landsbankans fyrir skuldbindingar til lengri og skemmri tíma (BBB+/A-2) en breytti horfum úr stöðugum í neikvæðar.


Nánar