Fréttir og útgáfuefni

- Fjárfestatengsl

Elísabet G. Björnsdóttir til liðs við Fjárstýringu Landsbankans

Elísabet G. Björnsdóttir, fjármálaverkfræðingur, hefur hafið störf hjá Fjárstýringu Landsbankans. Elísabet hefur mikla reynslu af fjármálastarfsemi en hún hefur frá árinu 2008 unnið hjá J.P. Morgan í New York og London.

Elísabet G. Björnsdóttir

Elísabet lauk B.Sc.-prófi í byggingarverkfræði frá Háskóla Íslands árið 2006. Hún hlaut Fulbright-styrk og Thor Thors-styrk  til framhaldsnáms og lauk meistaraprófi í fjármálaverkfræði frá Cornell-háskóla í Bandaríkjunum árið 2008.

Elísabet vann hjá verkfræðistofunni Línuhönnun veturinn 2006-2007 og hjá Kaupþingi sumarið 2007. Hún hóf störf hjá J.P. Morgan í New York árið 2008 í deild sem sér um að lágmarka mótaðilaáhættu bankans. Rúmu ári síðar flutti hún sig yfir til J.P. Morgan í London þar sem hún hefur að undanförnu stýrt veltubók með skuldatryggingar og sambankalán.

Fjárfestatengsl - 25. júlí 2019 16:03

Uppgjör Landsbankans fyrir fyrri helming ársins 2019

Afkoma Landsbankans var jákvæð um 11,1 milljarð króna eftir skatta á fyrri helmingi ársins 2019 saman­borið við 11,6 milljarða króna hagnað á sama tímabili árið 2018. Arðsemi eigin fjár á tímabilinu var 9,1% á árs­grundvelli, samanborið við 9,9% á sama tímabili 2018. Laun og launatengd gjöld lækkuðu um 2% á milli tímabila.


Nánar

Fjárfestatengsl - 23. júlí 2019 18:23

S&P staðfestir óbreytta lánshæfiseinkunn en breytir horfum úr stöðugum í neikvæðar

Alþjóðlega lánshæfismatsfyrirtækið S&P Global Ratings staðfesti þann 23. júlí 2019 óbreytta lánshæfiseinkunn Landsbankans fyrir skuldbindingar til lengri og skemmri tíma (BBB+/A-2) en breytti horfum úr stöðugum í neikvæðar.


Nánar

Fjárfestatengsl - 15. júlí 2019 10:35

Landsbankinn valinn besti banki á Íslandi

Alþjóðlega fjármálatímaritið Euromoney hefur valið Landsbankann besta bankann á Íslandi. Euromoney útnefnir árlega bestu banka víða um heim og veitir þeim viðurkenninguna Award for Excellence. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar