Fréttir og útgáfuefni

- Fjárfestatengsl

Lætur af störfum hjá Landsbankanum

Ragnhildur Geirsdóttir
Ragnhildur Geirsdóttir

Ragnhildur Geirsdóttir, framkvæmdastjóri Rekstrar- og upplýsingatæknisviðs Landsbankans, hefur sagt starfi sínu hjá bankanum lausu og mun láta af störfum á næstu vikum.

Ragnhildur hefur verið framkvæmdastjóri hjá Landsbankanum frá árinu 2012 og hefur stýrt mörgum umfangsmiklum verkefnum fyrir bankann. „Það hefur verið ánægjulegt fyrir mig að taka þátt í þeim viðamiklu breytingum sem hafa orðið hjá bankanum undanfarin ár. Ég tel að nú sé réttur tími fyrir mig að leita nýrra tækifæra og takast á við nýjar áskoranir,“ segir Ragnhildur Geirsdóttir.

„Ragnhildur hefur unnið gríðarlega gott starf fyrir bankann undanfarin ár. Fyrir hönd alls starfsfólks þakka ég Ragnhildi fyrir samstarfið og óska henni velfarnaðar í framtíðinni,“ segir Lilja Björk Einarsdóttir, bankastjóri Landsbankans.

Forsíða - 30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Forsíða - 21. júlí 2020 12:54

Landsbankinn besti banki á Íslandi að mati Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi og er þetta annað árið í röð sem bankinn hlýtur þessa viðurkenningu. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar