Fréttir og útgáfuefni

- Fjárfestatengsl

Hættir í bankaráði Landsbankans hf.

Á fundi bankaráðs Landsbankans hf. í dag, 9. febrúar 2017, tilkynnti Danielle P. Neben að hún segði af sér sem bankaráðsmaður. Ástæðan er sú að Danielle er að hefja störf á nýjum vettvangi en hún hefur undanfarin ár starfað sem sjálfstæður ráðgjafi.

Danielle var fyrst kjörin í bankaráð Landsbankans hf. í apríl 2013. Helga Björk Eiríksdóttir, formaður bankaráðs, segir: „Fyrir hönd Landsbankans þakka ég Danielle fyrir öflugt starf í þágu bankans á undanförnum árum. Ég þakka um leið fyrir ánægjulegt samstarf og óska henni alls hins besta í því sem hún tekur sér fyrir hendur í framtíðinni.“

Fjárfestatengsl - 23. mars 2020 18:58

Tilkynning um frestun aðalfundar Landsbankans

Á fundi bankaráðs Landsbankans hf. þann 23. mars 2020 var ákveðið að fresta um óákveðinn tíma aðalfundi bankans, sem vera átti föstudaginn 27. mars 2020, í ljósi þeirra aðstæðna sem nú ríkja vegna útbreiðslu covid-19 veirunnar.


Nánar

Fjárfestatengsl - 13. mars 2020 15:58

Ákvörðun um greiðslu arðs verði frestað til framhaldsaðalfundar

Bankaráð Landsbankans mun á aðalfundi 27. mars nk. leggja til að ákvörðun um greiðslu arðs vegna reikningsársins 2019 verði frestað til framhaldsaðalfundar sem haldinn verði innan tveggja mánaða frá aðalfundi.


Nánar

Fjárfestatengsl - 05. mars 2020 13:43

Aðalfundur Landsbankans 2020

Aðalfundur Landsbankans hf. verður haldinn föstudaginn 27. mars 2020 kl. 14.00 í Silfurbergi í Hörpu í Reykjavík.


Nánar