Fréttir og útgáfuefni

- Fjárfestatengsl

Landsbankinn leiðréttir lán neytenda vegna rangrar vísitölu

Um 1.000 viðskiptavinir Landsbankans tóku verðtryggð neytendalán, einkum íbúðalán, meðan neysluvísitalan var rangt reiknuð af Hagstofunni vegna mistaka. Þeir viðskiptavinir Landsbankans sem yrðu fyrir tjóni vegna þessara mistaka þurfa ekki að hafa áhyggjur af hækkun á lánum sínum. Landsbankinn hefur ákveðið að leiðrétta lán viðskiptavina sinna að eigin frumkvæði og án skyldu. Kostnaður bankans við leiðréttinguna nemur nokkrum tugum milljóna króna.

Vanmat neysluvísitölu hefur áhrif á ákveðinn hóp

Í nýlega birtum tölum Hagstofunnar hækkaði 12 mánaða verðbólga m.a. vegna mistaka í útreikningi Hagstofunnar. Þrátt fyrir að Hagstofan telji þessi mistök smávægileg þá er ljóst að þau munu valda tjóni hjá þeim sem tóku verðtryggð neytendalán hjá Landsbankanum á því tímabili sem reikningsskekkjan var til staðar. Mikill meirihluti þeirra eru fyrstu kaupendur sem tóku sitt fyrsta íbúðalán hjá bankanum á þessu tímabili.

Um 1.000 viðskiptavinir Landsbankans tóku verðtryggð neytendalán á tímabilinu sem um ræðir, einkum verðtryggð íbúðalán. Vanmat á vísitölu neysluverðs, sem nú á að leiðrétta aftur í tímann, mun leiða það af sér að eftirstöðvar verðtryggðra lána sem tekin voru á tímabilinu hækka vegna vísitölubreytinga sem áttu sér stað fyrir lántöku.

Landsbankinn hefur ákveðið að leiðrétta þessi mistök gagnvart viðskiptavinum sínum, sem ella hefðu orðið fyrir tjóni, að eigin frumkvæði og umfram skyldu. Kostnaðurinn við leiðréttinguna nemur nokkrum tugum milljóna og verða verðtryggð neytendalán, sem tekin voru á þessu tímabili, leiðrétt með innborgun á lánin sem nemur hækkuninni sem af mistökum Hagstofunnar leiðir.

Endurgreitt inn á höfuðstól lána á næstu vikum

Þeir viðskiptavinir sem um ræðir munu ekki verða áþreifanlega varir við leiðréttingu vísitölunnar svo sem í hækkaðri greiðslubyrði lána sinna. Landsbankinn mun á næstu vikum, reikna út og endurgreiða mismuninn inn á höfuðstól lánanna. Fyrirséð er að einhvern tíma mun taka að framkvæma leiðréttinguna en viðskiptavinir fá tilkynningu um innborgunina þegar að henni kemur.

Fjárfestatengsl - 24. október 2019 16:04

Uppgjör Landsbankans fyrir fyrstu níu mánuði ársins 2019

Afkoma Landsbankans var jákvæð um 14,4 milljarða króna eftir skatta á fyrstu níu mánuðum ársins 2019 samanborið við 15,4 milljarða króna hagnað á sama tímabili árið 2018. Arðsemi eigin fjár á tímabilinu var 7,9% á ársgrundvelli samanborið við 8,8% á sama tímabili 2018.


Nánar

Fjárfestatengsl - 25. júlí 2019 16:03

Uppgjör Landsbankans fyrir fyrri helming ársins 2019

Afkoma Landsbankans var jákvæð um 11,1 milljarð króna eftir skatta á fyrri helmingi ársins 2019 saman­borið við 11,6 milljarða króna hagnað á sama tímabili árið 2018. Arðsemi eigin fjár á tímabilinu var 9,1% á árs­grundvelli, samanborið við 9,9% á sama tímabili 2018. Laun og launatengd gjöld lækkuðu um 2% á milli tímabila.


Nánar

Fjárfestatengsl - 23. júlí 2019 18:23

S&P staðfestir óbreytta lánshæfiseinkunn en breytir horfum úr stöðugum í neikvæðar

Alþjóðlega lánshæfismatsfyrirtækið S&P Global Ratings staðfesti þann 23. júlí 2019 óbreytta lánshæfiseinkunn Landsbankans fyrir skuldbindingar til lengri og skemmri tíma (BBB+/A-2) en breytti horfum úr stöðugum í neikvæðar.


Nánar