Fréttir og útgáfuefni

- Fjárfestatengsl

Landsbankinn gefur út skuldabréf í norskum og sænskum krónum

Landsbankinn hefur stækkað skuldabréfaflokka sína í norskum og sænskum krónum með gjalddaga í júní 2019 með útgáfu skuldabréfa sem nemur 250 milljónum norskra króna og 100 milljónum sænskra króna. Heildarstærð skuldabréfaflokkana verður nú 500 milljónir norskra króna og 350 milljónir sænskra króna.

Skuldabréfin eru gefin út undir EMTN-ramma Landsbankans og verða skráð í kauphöllina á Írlandi. Skuldabréfin voru seld á kjörum sem samsvara 2,5% álagi ofan á millibankavexti í norskum krónum annars vegar og 2,5% álagi ofan á millibankavexti í sænskum krónum hins vegar. Umframeftirspurn var eftir skuldabréfunum sem seld voru til fjárfesta í Skandinavíu.

Umsjón með útgáfunni hafði Pareto Securities AB.

Fjárfestatengsl - 24. október 2019 16:04

Uppgjör Landsbankans fyrir fyrstu níu mánuði ársins 2019

Afkoma Landsbankans var jákvæð um 14,4 milljarða króna eftir skatta á fyrstu níu mánuðum ársins 2019 samanborið við 15,4 milljarða króna hagnað á sama tímabili árið 2018. Arðsemi eigin fjár á tímabilinu var 7,9% á ársgrundvelli samanborið við 8,8% á sama tímabili 2018.


Nánar

Fjárfestatengsl - 25. júlí 2019 16:03

Uppgjör Landsbankans fyrir fyrri helming ársins 2019

Afkoma Landsbankans var jákvæð um 11,1 milljarð króna eftir skatta á fyrri helmingi ársins 2019 saman­borið við 11,6 milljarða króna hagnað á sama tímabili árið 2018. Arðsemi eigin fjár á tímabilinu var 9,1% á árs­grundvelli, samanborið við 9,9% á sama tímabili 2018. Laun og launatengd gjöld lækkuðu um 2% á milli tímabila.


Nánar

Fjárfestatengsl - 23. júlí 2019 18:23

S&P staðfestir óbreytta lánshæfiseinkunn en breytir horfum úr stöðugum í neikvæðar

Alþjóðlega lánshæfismatsfyrirtækið S&P Global Ratings staðfesti þann 23. júlí 2019 óbreytta lánshæfiseinkunn Landsbankans fyrir skuldbindingar til lengri og skemmri tíma (BBB+/A-2) en breytti horfum úr stöðugum í neikvæðar.


Nánar