Fréttir og útgáfuefni

- Fréttir og tilkynningar

Landsbankinn styrkir fimmtán framúrskarandi námsmenn

Fimmtán námsmenn fengu úthlutað námsstyrkjum úr Samfélagssjóði Landsbankans föstudaginn 7. júní. Styrkirnir voru nú veittir í 24. sinn. Heildarupphæð námsstyrkja nemur 5,4 milljónum króna, sem er hæsta styrkveiting banka af þessu tagi á Íslandi. Alls bárust um 900 umsóknir um styrkina.

Veittir eru styrkir í fimm flokkum til framhaldsskólanema, iðn- og verknema, háskólanema,til háskólanema í framhaldsnámi og listnema en Landsbankinn er eini bankinn sem veitir sérstaka listnámsstyrki.

Dómnefndin leitaðist við að velja metnaðarfulla, framúrskarandi námsmenn með framtíðarsýn sem nefndin taldi líklega til að auðga íslenskt samfélag í framtíðinni. Einnig var litið til annarra atriða við valið svo sem rannsókna og greinaskrifa, meðmæla, sjálfboðastarfa, afreka í íþróttum og þátttöku í félagsstarfi svo nokkuð sé nefnt.

Styrkþegar námsstyrkja Landsbankans 2013

Styrkir til framhaldsskólanáms - 200.000 kr. hver
Einar Gunnlaugsson - Verzlunarskóli Íslands
Hrafnhildur Rut Hauksdóttir - Verkmenntaskólinn á Akureyri
Katrín Unnur Ólafsdóttir - Menntaskólinn í Reykjavík

Styrkir til iðn- og verknáms - 350.000 kr. hver
Birna Karen Björnsdóttir - klæðskeranám
Kristín Edda Egilsdóttir - flugnám
Róbert Freyr Michelsen - kennaranám í úrsmíði

Styrkir til háskólanáms - 350.000 kr. hver
Gunnar Jörgen Viggósson - hugbúnaðarverkfræði
Jón Halldór Hjartarson - læknisfræði
Þórdís Stella Þorsteins - stærðfræði

Styrkir til framhaldsnáms á háskólastigi - 450.000 kr. hver
Halldís Thoroddsen - efnaverkfræði
Sigurður Thorlacius - byggingarverkfræði
Þorsteinn Kristinsson - Asíufræði

Styrkir til listnáms - 450.000 kr. hver
Oddur Arnþór Jónsson - söngnám
Ragnheiður Lilja Óladóttir - söngnám
Úlfur Hansson - tónsmíði

Landsbankinn veitir á hverju ári nærri 50 milljónir króna úr samfélagssjóði bankans til námsmanna, samfélagsmála, nýsköpunar og umhverfismála. 

Í dómnefnd sátu: Runólfur Smári Steinþórsson prófessor við Háskóla Íslands, Kolbrún Halldórsdóttir forseti Bandalags íslenskra listamanna, Elín Jónsdóttir stjórnarformaður TM og Regins, Baldur G. Jónsson mannauðsstjóri Landsbankans og Elínborg V. Kvaran markaðsstjóri Landsbankans.

Námsstyrkir 2013
Styrkþegar námsstyrkja Landsbankans 2013 eða foreldrar þeirra ásamt Steinþóri Pálssyni, bankastjóra Landsbankans, og Runólfi Smára Steinþórssyni, formanni dómnefndar námsstyrkja og prófessor við Háskóla Íslands.

Landsbankinn - 06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

Fjárfestatengsl - 19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar

Fjárfestatengsl - 12. febrúar 2020 15:54

Skuldabréfaútgáfa í evrum

Landsbankinn lauk í dag sölu á nýjum 4,25 ára skuldabréfaflokki að fjárhæð 300 milljónir evra með lokagjalddaga í maí 2024 og bera skuldabréfin fasta 0,50% vexti. Skuldabréfin voru seld á kjörum sem jafngilda 83 punkta álagi á miðgildi vaxtatilboða í vaxtaskiptasamningum á markaði.


Nánar