Fréttir og útgáfuefni

- Fréttir og tilkynningar

Mötuneyti Landsbankans í Hafnarstræti fær Svansvottun

null

Mötuneyti Landsbankans í Hafnarstræti hefur hlotið vottun norræna umhverfismerkisins Svansins fyrir veitingarekstur og er fyrsta umhverfisvottaða mötuneyti landsins.

nullLandsbankinn hefur á undanförnum árum lagt ríkari áherslu á umhverfismál og er það í samræmi við stefnu bankans um samfélagsábyrgð. Bankinn hefur til að mynda fest kaup á umhverfisvænum bílum og leggur mikið upp úr góðum samskiptum við birgja um vistvænar vörur. Eitt skref á þessari vegferð er Svansvottun mötuneytis starfsmanna.

Kröfur Svansins fyrir veitingastaði eru mjög strangar og fjölbreyttar þar sem þær ná til flestra þátta starfseminnar. Svanurinn er opinbert umhverfismerki Norðurlandanna sem byggist á óháðri vottun og skilyrðum sem taka tillit til alls lífsferils vöru og þjónustu. Tilgangur Svansins er að ýta undir sjálfbæra þróun samfélagsins svo að komandi kynslóðir hafi jafna möguleika og við til að mæta þörfum sínum.

Í mötuneyti Landsbankans er nú fylgst vel með orkunotkun og rík áhersla er lögð á að bjóða upp á lífrænt ræktuð matvæli. Þá er einnota borðbúnaður og ílát ekki notuð lengur og flokkun á sorpi hefur stóraukist.

Ráðherra segir bankann sýna gott fordæmi

Svandís Svavarsdóttir umhverfisráðherra afhenti Steinþóri Pálssyni bankastjóra Svansleyfið í gær. Umhverfisráðherra hvatti starfsmenn til að vera stolt af árangrinum. Með starfi sínu væru þau að stuðla að grænna samfélagi og bættum heimi. Svansvottuð fyrirtæki væru ekki aðeins vaxandi afl í íslensku atvinnulífi heldur samfélagslega mikilvæg fyrirtæki sem sýna vilja í verki og væru öðrum fyrirtækjum gott fordæmi.

Steinþór Pálsson fagnaði þessum tímamótum og sagði þetta vera enn eitt dæmi um það frábæra starf sem starfsmenn bankans væru að vinna. Bankinn stefndi að því að vera í forystu árið 2013 og væri þetta, ásamt niðurstöðum Ánægjuvogarinnar og fleiri þáttum skref á þeirri leið.

Sjá frétt á vef Umhverfisstofnunar

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar

Fjárfestatengsl - 24. apríl 2020 17:55

S&P lækkar lánshæfismat Landsbankans í BBB með stöðugum horfum

Alþjóðlega lánshæfismatsfyrirtækið S&P Global Ratings tilkynnti í dag um lækkun á lánshæfismati Landsbankans fyrir skuldbindingar til lengri tíma. Lækkunin nemur einu þrepi og er lánshæfismat bankans því BBB/A-2 með stöðugum horfum.


Nánar

Fjárfestatengsl - 22. apríl 2020 15:03

Niðurstöður aðalfundar Landsbankans 2020

Aðalfundur Landsbankans var haldinn 22. apríl 2020 í höfuðstöðvum bankans í Austurstræti 11 í Reykjavík. Á fundinum flutti Helga Björk Eiríksdóttir, formaður bankaráðs, skýrslu bankaráðs og Lilja Björk Einarsdóttir, bankastjóri, fjallaði um sterka stöðu bankans og góðan árangur á árinu 2019.


Nánar