Sjóðir

Sjóðir

Viðskiptavinum Landsbankans stendur til boða að eiga viðskipti með fjölbreytt úrval verðbréfa – og fjárfestingarsjóða. Sjóðirnir fjárfesta ýmist í skuldabréfum, hlutabréfum, innlánum og öðrum fjármálagerningum eftir fjárfestingarstefnu. Fjárfesting í sjóðum er góð leið fyrir þá sem vilja ávaxta fé sitt í safni verðbréfa og annarra fjármálagerninga og dreifa þannig áhættu. Sjóðirnir eru í rekstri Landsbréfa hf. sem er dótturfélag Landsbankans.

Fjárfestingin er því ekki háð verðbreytingum á einu fyrirtæki eða einum flokki verðbréfa á markaðnum. Með því að kaupa í sjóði nýtur þú skattalegs hagræðis þar sem ekki er greiddur fjármagnstekjuskattur fyrr en við innlausn.

Hér að neðan má sjá yfirlit yfir sjóði, nafnávöxtun síðastliðinna fimm ára, gengi og sveiflur í ávöxtun.

 

Sparnaður í áskrift

Þú getur byggt upp eignasafn með reglubundnum sparnaði í sjóðum. Lágmarksupphæð er 5.000 kr. á mánuði. Veittur er 100% afsláttur af þóknun við reglubundin kaup í sjóðum.

Stofna reglubundinn sparnað

Sjóðir Landsbréfa

Áhætta fylgir ávallt fjárfestingu í sjóðum þar sem gengi þeirra getur bæði hækkað og lækkað vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum. Hafa ber í huga að ávöxtun í fortíð gefur ekki áreiðanlega vísbendingu um framtíðarárangur. Fjárfestum er bent á að kynna sér vel lykilupplýsingar og útboðslýsingu sjóða áður en fjárfest er í þeim. Fjárfestum er enn fremur ráðlagt að kynna sér helstu áhættuþætti og upplýsingar um skattamál.

Ávöxtun verðbréfa- og fjárfestingarsjóða í rekstri Landsbréfa hf. er almennt birt sem nafnávöxtun í ISK, nema annað sé tekið fram, að frádregnum kostnaði sem fallið hefur á sjóðinn á hverjum tíma. Í ávöxtunartöflu er birt uppsöfnuð nafnávöxtun síðastliðinna 5 ára og uppsöfnuð nafnávöxtun á ársgrundvelli yfir sama tímabil. Nafnávöxtun tímabila sem eru styttri en eitt ár eru ekki uppreiknuð á ársgrundvöll. Upplýsingar um ávöxtun byggja á bókhaldsgögnum sjóðanna.

Ávöxtun sjóða frá AllianceBernstein

 

Hvernig fara viðskipti fram?

  • Verðbréfa- og lífeyrisráðgjöf veitir milligöngu um kaup og sölu verðbréfa í síma 410 4040. Einnig er hægt að senda viðskiptabeiðni á verdbrefaradgjof@landsbankinn.is
  • Í útibúum Landsbankans þar sem ráðgjafar aðstoða þig.
  • Boðið er upp á viðskipti með verðbréf í netbankanum. Þar er jafnframt hægt að skrá sig í reglubundinn sparnað í sjóði.

Verðbréfabæklingur
Nánari upplýsingar um verðbréfaviðskipti
Fyrirvarar um verðbréfaviðskipti
Skilmálar